Чуумпуну аймааччылары бэрээдэктээһиҥҥэ суут быраактыката уларыйда

Соторутааҕыта Дьокуускай куораттааҕы суут кыбартыыраны суукканан арыандаҕа биэрэр хаһаайын түүҥҥү бириэмэҕэ айдаан-куйдаан таһааран  ыалыгар мэһэйдэри үөскэппитин иһин 20 тыһ. солк. биэрэригэр уураахтаата.

Административнай хамыыһыйаҕа кэпсээбиттэринэн, маннык күннээҕи олоххо элбэхтик көстөр түгэҥҥэ, дьон утуйар уутун аймаабыт дьонтон моральнай хоромньуну суутунан толуйуу өрөспүүбүлүкэҕэ бастакытын бэлиэтэннэ. Маны таһынан, айдаан таһаарар дьиэ хаһаайыына эбии 5000 солк. ыстарааптаммыт.

СӨ Административнай кодексатын 35 ыст. олоҕуран, дьон уутун аймыыр, көҥүллэммэт кэмҥэ тыаһыыр-ууһуур иһин административнай ыстараап көрүллэр:

-физическэй сирэйдэтэртэн – 5 тыһ. солк.;

-дуоһунастаахтартан – 10-50 тыһ. солк.;

-юридическэй сирэйдэртэн – 50 тыһ. -250 тыһ. солк.

Дьокуускайга чуумпу эрэһиими тутуһуу быраабылата:

- бэнидиэнньиктэн бээтинсэҕэ диэри киэһээ 21.00 чаастан сарсыарда 08.00 чааска диэри тыаһыыр-ууһуур бобуулаах;

- өрөбүллэргэ уонна бырааһынньыктарга киэһээ 22.00 чаастан сарсыада 10.00 чааска диэри тыаһыа суохтаахпыт.