22.04.2020 | 16:37

"Чиккэс" коронавируһу утары охсуһарга көмөлөһөр

"Чиккэс" коронавируһу утары охсуһарга көмөлөһөр
Ааптар: Киин Куорат

Коронавирус инфекциятын утары охсуһуу үлэтэ Дьокуускайга түүннэри-күнүстэри ыытыллар. Салайар хампаанньалар уонна ТСЖ-лар дьиэлэр подъезтарын, Роспотребнадзор кытаанах ирдэбиллэригэр олоҕуран, дезинфекциялыыллар. Куорат хаһаайыстыбатын эксплуатациялыыр сулууспа иһитиннэрэринэн, “Чиккэс” ХЭТ (ИП Толстяков Э.М.) үлэһиттэрэ бу күннэргэ подъезтары, оптуобус остонуопкаларын уонна балыыһалары буор-босхо дезинфекциялаатылар.

“Чиккэс” тэрилтэ дезинфекциялыыр анал оборудованиены пандемия саҕаланыан иннинэ бэйэтин офистарын ыраастаары атыыласпыт. Оттон ыарыы киин куораппытыгар тарҕанан барбытыгар, үтүө санаанан салайтаран, элбэх кыбартыыралаах олорор дьиэлэр подъезтарын, остонуопкаларга дьон олорор ыскамыйаларын дезинфекциялаан саҕалаабыт.

 “Биһиги бэйэбит офиспытыгар бүгэн олорбокко, тапталлаах куораппытыгар бу ыарахан кэмҥэ кыахпыт баарынан көмөлөһөр санааны ылыммыппыт. Подъезтары, ыскылааттары, араас тутуулары дезинфекциялаатыбыт. Баһылык Сардаана Авксентьеваны кытта көрсөн баран, элбэх кыбартыыралаах дьиэлэри ыраастыыр буоллубут. Дьон сакааһынан дьиэлэрин дезинфекциялыахпытын сөп”, - диэн “Чиккэс” ХЭТ салайааччыта Эрэл Толстяков кэпсээтэ.

 «Бу тэрилтэ бэйэтин баҕатынан мас дьиэлэри уонна муниципальнай баанньыктары дезинфекциялыырга көмөлөстө. Куорат дьоҕус бизнеһин бэрэстээбиитэллэрэ социальнай эппиэтинэстээх буолаллара, коронавируһу утары үлэҕэ көмөлөһөллөрө үөрдэр.», - диэн куорат хаһаайыстыбатын эскплуатациялыыр сулууспа салайааччыта Айаал Егинов санаатын үллэстэр.

Кулун тутар 28 күнүттэн “Чиккэс” ХЭТ 300 социальнай эбийиэги уонна Строительнай, Автодорожнай уокурук мас дьиэлэригэр дезинфекцияны ыытта.  

Сонуннар

Ордук ааҕаллар

Ыһыах оптуобустарын сырыылара
Сонуннар | 22.06.2022 | 19:00
Ыһыах оптуобустарын сырыылара
Автовокзалтан хоҥнор оптуобустар: Автовокзал — Цииркэ — Сельхозтехникум — Акварель —Кулаковскай аат. култуура дьиэтэ — Банковскай — Архыып — ЯКСМК — Якутская — Столичнай ырыынак — Кольцевой — Гараастар — Севастопольскай — Новопортовской — Гагарин скверэ — «Белое озеро» ырыынак — Полиция 3-с отдела — Пост ГАИ — Таһаҕас тиэйэр...
Өрөспүүбүлүкэтээҕи «Туймаада ыһыаҕа-2022» бырааһынньык бырагыраамата
Сонуннар | 21.06.2022 | 17:49
Өрөспүүбүлүкэтээҕи «Туймаада ыһыаҕа-2022» бырааһынньык бырагыраамата
Буолар сирэ: «Үс Хатыҥ» этнографическай комплекс Ыытыллар күнэ-дьыла: 2022 сыл, бэс ыйын 25-26 күннэрэ
Виктория Азизова:  «Бизнес атаҕар турара бэйэҕиттэн тутулуктаах»
Дьон | 16.06.2022 | 17:00
Виктория Азизова: «Бизнес атаҕар турара бэйэҕиттэн тутулуктаах»
Билигин Саха сиригэр урбаан эйгэтэ тэтимнээхтик сайдар. Сыллата саҥа сүүрээннэр, саҥа кыахтар киирэн иһэллэр. Урукку урбаанньыттар сүрүннээн Саха сиригэр эрэ үлэлиир буоллахтарына, билигин Арассыыйа таһымыгар, омук сирдэригэр кытта таҕыстылар.  Бүгүн мин эһиэхэ эдэр предприниматель Виктория Азизованы билиһиннэриэхпин баҕарабын.   Оҕо сааһыттан урбаан эйгэтин сэргиирэ Вика Аммаҕа төрөөбүт гынан баран, Алдан улууһун...