Чаанньыкпытын ыраастыыбыт

Ардыгар чаанньык иһэ кэһиэх (накипь) буолар, түгэҕэр кир курдук олохсуйан хаалар. Маннык түгэҥҥэ ыраастыыр, чаанньыкпытын саҥатыгар түһэрэр, үйэтин уһатар хас даҕаны  ньыма баар.

Чаанньыкпыт үс гыммыт иккитигэр (2/3) тымныы уу кутабыт, 10-15 г лимон кислотатын (2 лиитэрэлээх чаанньыкка учуоттаан) кутабыт. 3-4 мүнүүтэ оргутабыт. Арааран баран кыратык туруора түһэбит. Онтон кирдээх уутун тоҕобут уонна чаанньыкпытыгар ыраас уу кутабыт. Өссө биирдэ оргутабыт, онтон уутун эмиэ сүөкүүбүт, сайҕыыбыт. Чаанньыкпыт ырааһырар, үөрэ-көтө чэй өрүнэбит.

 Өссө маннык үс төгүл төхтүрүйэн ыраастааһын ньымата баар. Бастаан чаанньыкпыт үс гыммыт иккитигэр уу кутабыт, 1 остолобуой ньуоска суода кутабыт. Бу суурадаһыны чаас аҥаара оргутабыт, онтон кирдээх уубутун тоҕобут.

Онтон суодалаах уубутун өссө биирдэ оҥоробут, онно эбии 1 остолобуой ньуоска лимон кислотатын кутабыт. Итиэннэ 5-7 мүнүүтэ оргутабыт. Салгыы уубутун тоҕобут. 

Түмүктүүр түһүмэххэ чаанньыкпытыгар уу уонна ыстакаан аҥаара уксуус булкуйан кутабыт. Чаас аҥаара оргутабыт. 

Бу кэннэ чаанньыкпытын ыраас уунан үчүгэйдик сайҕыыбыт. Хоспут аанын аһан салгылатабыт. Ол кэннэ биирдэ чэй өрө уурабыт. 

Өссө “Кока-коланан” ыраастыыр ньыма баар. Онуоха бастаан утах гааһын таһаарыҥ, онтон биирдэ бытаан уокка оргутуҥ диэн сүбэлииллэр.