28.03.2022 | 16:00

Быйыл Саха сирин 25 тыһыынча олохтооҕо саҥа дьиэҕэ көһүөҕэ

Быйыл Саха сирин 25 тыһыынча олохтооҕо саҥа дьиэҕэ көһүөҕэ
Ааптар: Киин Куорат
Бөлөххө киир

Быйыл, 2022 сылга, Саха сирин 25 тыһыынча кэриҥэ олохтооҕо «2019-2025 сылларга гражданнары хаарбах туруктаах дьиэлэртэн көһөрүү» өрөспүүбүлүкэтээҕи аадырыстаах бырагырааманан саҥа дьиэлэргэ көһүөҕэ. Бу туһунан Саха Өрөспүүбүлүкэтин Баһылыгын уонна Бырабыыталыстыбатын пресс-сулууспата иһитиннэрдэ. 
Ити курдук, 461 кв.м хаарбах туруктаах дьиэлэр олохтоохторо көһөрүллүөхтэрэ, кинилэргэ анаан өрөспүүбүлүкэ үрдүнэн 81 элбэх кыбартыыралаах дьиэ тутулла турар. 
«Төһө да бааннар бырыһыаннарын ставката уонна тутуу матырыйаалын сыаната үрдээбиттэрин иһин, судаарыстыбаннай бырагырааманан хаарбах туруктаах дьиэлэртэн көһөрүү уонна үөрэҕирии тэрилтэлэригэр эбии миэстэлэри тэрийии толору кээмэйинэн оҥоһуллуохтаах», — диэн тутуу уонна саҥардан оҥоруу суһал штабын мунньаҕар өрөспүүбүлүкэ Ил Дархана Айсен Николаев тоһоҕолоон бэлиэтээтэ.
Итини сэргэ быйыл Дьокуускай куорат 5-с уонна 12-с №-дээх оскуолаларыгар уонна Хатас орто оскуолатыгар самалык тутуллан бүтүөхтээх. Билиҥҥи кэмҥэ Горнай улууһун Бэс Күөл сэлиэнньэтигэр оскуоланы, Аллараа Бэстээххэ култуурунай сайдыы киинин, Кыһыл Сыырга гаас магистральнай ситимин тутууга уонна Үөһээ Бүлүүтээҕи лицей-интэринээт хапытаалынай өрөмүөнүгэр бэдэрээтчиттэри сүүмэрдиир куонкурус ыытыллар.

Сонуннар

Ордук ааҕаллар

Полина Победа:  «Дьоллоох буолуҥ олоххутугар, түүлгүтүгэр»
Дьон | 29.02.2024 | 10:00
Полина Победа: «Дьоллоох буолуҥ олоххутугар, түүлгүтүгэр»
Бүгүҥҥү ыалдьыппын улаханнык билиһиннэрэр да наадата суох буолуо. Кинини, өрөспүүбүлүкэ сахалыы тыллаах олохтоохторо ПОЛИНА ПОБЕДА диэн ааттаах хоһоонньуту, социальнай ситим устун билбиттэрэ ыраатта. Полина Пантелеймоновна Находкина хомоҕой тыллаах хоһоонноро элбэх киһи кутун туталлар, махталын ылаллар. Кини ону таһынан имигэс үҥкүүһүт, шпагат түһэр, араас эрчиллиилэри холкутук оҥорор, төбөтүн оройугар турар –...
Волонтер эр дьон. Кинилэр кимнээҕий?
Дьон | 22.02.2024 | 11:20
Волонтер эр дьон. Кинилэр кимнээҕий?
Биһиги волонтердар тустарынан ордук пандемия кэмигэр истибиппит. Кинилэр ыалдьыбыт, кыаммат дьоҥҥо астарын, эмтэрин босхо тиэрдэн биэриигэ, араас соруктарга сылдьыбыттара. Волонтердар ойуур баһаардарыгар эмиэ күүстэрин харыстаабакка үлэлээбиттэрэ.
«Үрүҥ илгэ»: эдэр худуоһунньук Семен Нучеканов быыстапката
Сынньалаңңа | 18.02.2024 | 12:00
«Үрүҥ илгэ»: эдэр худуоһунньук Семен Нучеканов быыстапката
Олунньу 8 күнүттэн “Худуоһунньук дьиэтэ” галереяҕа эдэр худуоһунньук Семен Нучеканов “Үрүҥ илгэ” ааптарыскай быыстапката арылынна.
Дьахтар араастаах буолар эбит
Сынньалаңңа | 23.02.2024 | 14:00
Дьахтар араастаах буолар эбит
Сиимэ уол сааһа ыраатта, Саҥа дьыл саҕана отут биэһин туолбута. Бииргэ үөрэммит доҕотторо оҕо-уруу, дьиэ-уот тэринэн ырааппыттара. Онуоха эбии аҕата, биирдэ эмэ холуочуйдаҕына, чаал курдугунан көрөн олорон, ыал буолбакка сылдьарынан сирэй-харах анньара. Кырдьар сааска кэргэнэ суох соҕотох сылдьыы куһаҕанын өйдөтө сатыыра, ол кэннэ устунан ытаан барара. Ийэлэрэ барахсан ыалдьан, Сиимэ...