Быйыл Саха сиригэр10 тыһыынча маһы олордуохтара

 Өрөспүүбүлүкэҕэ олордуллуохтаах бэс үнүгэстэрин Хабаровскай кыраай  «Растим лес» хампаанньатын мас үүннэриитинэн дьарыктанар питомнига биэрэр. Билиҥҥи кэмҥэ Нерюнгри оройуонугар 500 гектартан тахса иэннээх сиргэ номнуо мөлүйүөнтэн тахса бэс маһы олордубуттар.

Саха сиригэр мас үүннэрэр питомниктар Нам уонна Өлүөхүмэ улуустарыгар үлэлииллэр. Манна сылга 730 тыһ. үнүгэс олордуллар кыахтаах. Итини таһынан Хаҥалас улууһугар 2 гектар иэннээх сиргэ мас үүннэрэр саҥа питомник арыллара былааннанар, итиннэ сылга 2 мөлүйүөн үнүгэһи ылар сыаллаахтар. 

Мас үүннэрэр питомниктар сүрүн соруктара – уот сиэбит ойуурдарын чөлүгэр түһэрии, куораттары, ото-маһа суох нэһилиэнньэлээх пууннары көҕөрдүү.

Аахсыйаны СӨ Экологияҕа, айылҕа ресурсатын туһаныыга уонна ойуур хаһаайыстыбатыгар министиэристибэтэ төрдүс сылын тэрийэр. Манна ким баҕалаах кыттыан сөп.