Быйыл хаһааҥҥытааҕар да элбэх суол оҥоһуллуоҕа
«Куталла суох уонна хаачыстыбалаах айан суоллара» национальнай бырайыак чэрчитинэн, 2021 сылга Дьокуускайга 48 килэмиэтир кэриҥэ суол тутуллуоҕа.
Маны сэргэ, Тулагыга уонна Табаҕаҕа элбэх оҕолоох ыаллар учаастактарыгар киирэр суоллар оҥоһуллуохтара. Нагорнай, Винокуров, Можайскай уулуссаларын саҥалыы тутуохтара, Окружного шоссе, Бабушкин, Пирогов, Ильменскэй уулуссаларыгар хапытаалынай өрөмүөн үлэтэ ыытыллыаҕа. Жуковскай, Авиатордар, Николаев, Советскай, Олега Кошевой, Ивана Кульбертинов, Халтурин уулуссалара уонна да атын суоллар өрөмүөннэниэхтэрэ.
«Куталла суох уонна хаачыстыбалаах айан суоллара» национальнай бырайыагы олоххо киллэрии чэрчитинэн 2019-2024 сылларга Дьокуускайга уопсайа 204,5 килэмиэтир суол оҥоһуллуохтаах. Ол түмүгэр киин куорат суолун 85 бырыһыана нуормаҕа эппиэттиир турукка тиийиэхтээх.
Ааспыт 2020 сылга киин куоракка уопсайа 23 км 558 миэтэрэ усталаах 27 суол тутуута, саҥалыы уларытыыта, хапытаалынай өрөмүөнэ ыытылынна. Маныаха федеральнай, өрөспүүбүлүкэ, куорат бүддьүөтүттэн 1 млрд 600 мөлүйүөн солкуобай үп туттулунна.
Сонуннар
Ордук ааҕаллар
