Быыһааччы күнүнэн эҕэрдэлээтилэр
Үөрүүлээх тэрээһини эҕэрдэ тылынан ЫБММ регионнааҕы Кылаабынай управлениетын начаалынньыга Павел Гарин саҕалаата.
«Кутталлаах түбэлтэлэргэ сылдьыыны күннээҕи үлэнэн оҥостубут дьоҥҥо махталбын тиэрдэбин. Тус бэйэҕитигэр уонна дьиэ кэргэҥҥитигэр күүстээх санааны, эйэни, этэҥҥэ буолууну баҕарабын. Быыһааччы – профессионал, киниэхэ дьон итэҕэйэр уонна киниттэн көмөнү күүтэр», – диэн эҕэрдэлээтэ Павел Сергеевич.
Чулуу үлэлээх сотрудниктарга уонна үлэһиттэргэ Павел Гарин анал уонна уочараттаах сололорун, итиэннэ «За отличие в службе», «За безупречную службу», «За усердие» и «За отличие в ликвидации последствий чрезвычайной ситуации» биэдэмистибэ мэтээллэрин туттартаата. Наҕараадалары ЫБММ регионнааҕы Кылаабынай управлениетын 20-тэн тахса сотрудниктара уонна үлэһиттэрэ туттулар.
«Сотрудниктар эр санаалара, хорсун быһыылара, үрдүк маастарыстыбалара уонна эппиэтинэстэрэ – быыһыыр сулууспа үчүгэй үлэтин мэктиэтэ. Сылын аайы техническэй база саҥардыллар, үлэ ньымалара тупсар, идэтийии таһыма үрдүүр», – диэн эбэн эттэ Павел Гарин.
Сонуннар
Ордук ааҕаллар
