Быраастар ыраахтан сүбэ-ама биэрэллэр

Өрөспүүбүлүкэбитигэр олунньу 6 күнүттэн быраастар аудионан сүбэ-ама биэрэр кииннэрэ үлэлээтэ, бу туһунан суһал-штаб иһитиннэрэр. 
“Ыраахтан олорон быраас төлөпүөнүнэн сүбэ-ама биэриитэ ОРВИ элбээбитинэн уонна профилактикалыыр сыаллаах, ону тэҥэ коронавируснай инфекция туһунан тэйиччи сытар нэһилиэнньэлээх пууннар олохтоохторугар туһуланар”, - диэн иһитиннэриигэ этиллэр. 
Өрөспүүбүлүкэ олохтоохторо медицинскэй тэрилтэлэргэ сылдьыбакка эрэ быраас сүбэтин-аматын ылыахтарын сөп.
Киин үлэтигэр Медицинскэй институт профессордара, преподавателлэрэ, анал медицинскэй тэрилтэлэр сүрүннүүр үлэһиттэрэ ылылыннылар. 
Үлэлиир кэмнэрэ – өрөбүлэ, бырааһынньык күннэрэ суох сарсыарда 08.00 чаастан киэһэ 20.00 чааска диэри. Ыраахтан олорон быраас сүбэтин төлөпүөнүнэн ылыыга маннык нүөмэргэ эрийэҕит: 8-800-100-14-03. Өрөспүүбүлүкэ бары олохтоохторугар төлөпүөннээһин босхо буолар.