10.12.2021 | 12:00

Быһыыны ылыыга Саха сирэ – инники күөҥҥэ

Быһыыны ылыыга Саха сирэ – инники күөҥҥэ
Ааптар: Киин Куорат
Бөлөххө киир

Уһук Илин регионнарын ортотугар быһыыны ылыыга Саха Өрөспүүбүлүкэтэ инники күөҥҥэ сылдьар. Ол туһунан баһылык уонна регион бырабыыталыстыбатын пресс-сулууспата иһитиннэрдэ. 
Коронавирус дьаҥын утары быһыыны ылыыга Саха сирэ бастыҥнар кэккэлэригэр киирбитин туһунан РФ бырабыыталыстыбатын бэрэссэдээтэлин солбуйааччы, РФ Уһук Илиҥҥэ боломуочунай бэрэстэбиитэлэ Юрий Трутнев суһал мунньаҕар этилиннэ. 
«Саха сирэ Уһук Илиҥҥэ уонна Арассыыйаҕа саамай үчүгэй көрдөрүүлээхтэртэн биирдэстэрэ: вакцинация таһымынан өрөспүүбүлүкэ РФ 20 бастыҥ субъектарын ахсааныгар эрэллээхтик киирэр. Ахсынньы 9 күнүнээҕи туругунан, Саха сиригэр коронавирус инфекциятын утары вакцина бастакы компоненын нэһилиэнньэ улахан дьонун  69,13% ылбыт, Дьокуускайга — 72,97%», — диэн этиллэр иһитиннэриигэ.
Уокурукка уопсайынан быһыынан хабыы Арассыыйа орто кээмэйиттэн үрдүгэ бэлиэтэммит.  (Арассыыйа – 55,4%).
«Уопсайынан, Уһук Илиҥҥэ ыарыы тэтимэ намтаабыта көстөр. Ааспыт сууккаҕа 2 267 киһи ыалдьыбыт. Кэнники үс нэдиэлэҕэ ити саамай намыһах көрдөрүү. Нэһилиэнньэ ортотугар өлүү ахсаана аҕыйаата», —диэбит Юрий Трутнев.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...
Көмө мүнүүтэ да тохтообот
Дьон | 03.02.2023 | 12:00
Көмө мүнүүтэ да тохтообот
Аҕа дойду Улуу сэриитин кэмигэр Саха сирин дьоно-сэргэтэ төһө да тыһыынчанан килэмиэтиринэн ыраах олордоллор, өйдөрө-санаалара Кыайыы эрэ туһугар сытара. Биир дойдулаахтарбыт харчынан, облигациянан, үрүҥ көмүһүнэн, кыһыл көмүһүнэн, балыгынан, күндү түүлээҕинэн о.д.а. көмөнү хара көлөһүннэрин тоҕон туран фроҥҥа ыыппыттара. Ийэлэрбит, эбэлэрбит ыарахан үлэлэрин быыһыгар төһөлөөх кээнчэни, үтүлүгү тигэн ыыппыттарай! Дэлэҕэ сэрии...