15.06.2022 | 15:38

Быһыйдар путевка былдьастылар

Быһыйдар путевка былдьастылар
Ааптар: Баһылай ПОСЕЛЬСКАЙ

Бэс ыйын 11-12 күннэригэр Бороҕоҥҥо буолар Саха сирин норуоттарын VIII-с Спортивнай оонньууларыгар путевка былдьаһыылаах өрөспүүбүлүкэ чэпчэки атлетикаҕа чемпионатыгар 24 улуустан, оройуонтан 290 быһый “Туймаада” стадиоҥҥа илин-кэлин түстэ. Көрүҥ аайы 16 спортсмен путевкаҕа тиксэр.

Чемпионаты норуоттар икки ардыларынааҕы кылаастаах спорт маастардара Сардаана Трофимова, Наталья Леонтьева, Изабелла Борисова, спорт маастардара Артур Бурцев, Вячеслав Егоров, Диана Адасько, Александр Нечаев, Диана Тартакынова, Пелагея Григорьева, маастарга кандидаттар төрөөбүт-үөскээбит улуустарыттан, үлэлиир тэрилтэлэриттэн кыттаннар, чемпионат күүрээнин үрдэттилэр, киэргэтэн-тупсаран биэрдилэр.

Үөһээ Бүлүү киэн туттуута, марафоҥҥа Арассыыйа биэс төгүллээх чөмпүйүөнэ Сардаана Трофимова 3000 м уонна 5000 м бастаталаабытын таһынан, 800х400х200х100 м шведскэй эстафетаҕа бастакы түһүмэҕэр утарсааччыларын ырааҕынан быраҕаттаан, хамаандатыгар кыһыл көмүс мэтээл кэлэрин ситистэ. Санкт-Петербурга тренердиир Артур Бурцев 10 000 м, 5000 м бастаталаата уонна эстафетаҕа уус алданнар үһүс миэстэни ылалларын хааччыйда. Дьокуускайтан Диана Адасько 100 м, 200 м, Мэҥэ Хаҥаластан Анна Лыткина уһуну ойууга уонна үстэ төхтүрүйэн ыстаныыга кыайыылары аҕаллылар. Хотугу многоборьеҕа Бэрдьигэстээхтээҕи Манчаары-2021 оонньууларын кыайыылааҕа Мэҥэ Хаҥалас дэгиттэр уолана Егор Терентьев 400 м 50,63 сөк. биэтэккэ бастакынан куһугуратан кэлэн, эстафетаны эмиэ кыайан, үгүстэри соһутта. Үөһээ Бүлүүттэн спортивнай хаамыы уонна хотугу многоборье спордун маастара Пелагея Григорьева 800 м бастаата, кыайыылаах эстафета 400 м сиргэ сүүрүүтүгэр эмиэ тэтимнээх кыраһыабай сүүрүүнү көрдөрдө. Үөһээ Бүлүү быһыйа Михаил Руфов 200 м күүстээх утарсааччыларын хааллартаан, эрэллээхтик бастаата. Сунтаартан Наталья Леонтьева 1500 м сүр-чэпчэки, түргэн сүүрүүнү көрдөрөн кыайда, эстафетаҕа хамаанда бириистээх үһүс миэстэҕэ тиксэрин ситистэ. Мэҥэ Хаҥаластан атах оонньуутун маастардара Георгий Шергин уһуну ойууга 7 м 12 см, Игорь Скрябин үстэ төхтүрүйэн ойууга 15 м 45 см кыырайталааннар, өрөспүүбүлүкэ чөмпүйүөнэ буолуталаатылар.

Итинтэн атын көрүҥнэргэ, 100 м Александр Нечаев (Дьокуускай), 400 м Мария Рухлядева (Уус Алдан), 800 м Филипп Собакин (Чурапчы), 1500 м Евгений Трифонов (Кэбээйи), 3000 м спортивнай хаамыыга Сардаана Калитина (Хаҥалас), 5000 м спортивнай хаамыыга Геннадий Степанов (Горнай), 800х400х200х100 м эстафетаҕа дьахталларга Үөһээ Бүлүү, эр дьоҥҥо Мэҥэ Хаҥалас хамаандалара кыайыы үөрүүтүн биллилэр.

Сонуннар

Ордук ааҕаллар

Тыын тардыыта
Сынньалаңңа | 17.09.2022 | 11:00
Тыын тардыыта
 – Ийээ, мин кинини таптыыбын ээ, кинитэ суох сатаан олорбоппун. Эн ону хантан өйдүөххүнүй? – диэн Яна, ийэтэ хойут кэлэрин мөхпүтүн сөбүлээбэккэ, этиһэн турда. — Хаһан да кими да таптаабатах киһи, аҕабыныын эмиэ таптаабат буолан арахсыбытыҥ буолбат дуо? Итиэннэ миигин хантан өйдүөххүнүй? Лена кыыһа итинник сэмэлээбитин хомойо иһиттэ. Куруук оҕо...
Хатас 5 тэрилтэтэ – оҕо сайдарын-үүнэрин туһугар
Сонуннар | 17.09.2022 | 19:17
Хатас 5 тэрилтэтэ – оҕо сайдарын-үүнэрин туһугар
Бүгүн, балаҕан ыйын 17 күнүгэр, Н.Е. уонна П.Н. Самсоновтар ааттарынан Хатас орто оскуолатыгар үгэс буолбут күһүҥҥү дьаарбаҥка уонна оҕо аймаҕы эбии үөрэхтээһиҥҥэ Хатас 5 тэрилтэтин «Иллэҥ кэмҥэ дьарык дьаарбаҥката» диэн холбоһук тэрээһиннэрэ ыытылынна.
Хомунаалынай өҥө ороскуотун хайдах толуйтарыахха сөбүй?
Тускар туһан | 16.09.2022 | 15:00
Хомунаалынай өҥө ороскуотун хайдах толуйтарыахха сөбүй?
Дьиэ кэргэн бүддьүөтүгэр эбэтэр соҕотоҕун олорор киһи хомунаалынай өҥөлөрүн төлөбүрүгэр ороскуота олохтоммут нормативтан элбэх буоллаҕына субсидия оҥорторуон сөп.   Квитанцияларынан көрөн, 100%-ҥа диэри компенсация оҥорторуохха сөп.   Ким субсидияҕа хапсар бырааптааҕый? бас билээччи; олох-дьаһах кооперативтарын чилиэннэрэ; судаарыстыбаннай пуондаттан дьиэни-уоту туһанааччылар.   Усулуобуйата бу дьиэҕэ бастайааннай регистрация; дьиэ иэнэ регионнааҕы нормативтан ордуга суох; хомунаалынай...
Сонун, ол эрээри астыырга судургу бүлүүдэлэр
Тускар туһан | 17.09.2022 | 15:00
Сонун, ол эрээри астыырга судургу бүлүүдэлэр
Күһүҥҥү нуурал күннэргэ улахан уустуга суох, маҕаһыын аайы баар бородуукталартан минньигэс бүлүүдэлэри астыыргытыгар сүбэлиибит.   Мультиваркаҕа сибиинньэ этиттэн соркуой Эһиэхэ наада: сибиинньэ этэ — 600 г; хортуоппуй — 8 уст.; моркуоп — 1 уст.; эриэппэ луук — 1 уст.; томат паастата — 2 ост. ньуоска; маҕаһыыҥҥа атыыланар сметана — 2 ост.ньуоска;...