Буулдьанан ытыыга

Татарстан өрөспүүбүлүкэтигэр Арассыыйа  чемпионатын хамаанданан буулдьанан ытыыга күрэхтэһии буолла.  Пневматическай биэстэ иитиллэр бэстэлиэтинэн 10 миэтэрэлээх ытыыга маастарга кандидат Алина Готовцева кыттан, үрүҥ көмүс мэтээли ылары ситистэ. Кыыс Р.М. Дмитриев аатынан Олимпийскай  эрэл училищетын 9-с кылааһын үөрэнээччитэ. Быйыл дойду  Кубогар буулдьанан ытыыга Арассыыйа маастарын нуорматын толорбута. Онно 600 очкоттан 567 түмүгү ситиспитэ. Спортсменка бастакы тренерэ  Геннадий Капчук этэ, кэнники икки сылга  Алина Готовцева Саха сирин сүүмэрдэммит хамаандатын баһылыыр тренеригэр Александра Сотниковаҕа дьарыктанар.

Билигин  Казань куоракка  дьахталларга пневматическай бинтиэпкэнэн 10 миэтэрэ ыраахха  ытыыга күрэхтэстилэр. Итини таһынан дьахталлар кыра калибрдаах бэстилиэтинэн ытыыга күүстээҕи быһаарыстылар. Бу күрэхтэһиигэ Саха сириттэн уонча бэргэн кытынна.

Хаартыскаҕа:

КАЗАНЬ-2020. Буулдьанан ытыыга Арассыыйа призера Алина Готовцева (хаҥас)

--