02.04.2021 | 06:53

Булчуттар сэргэхсийэллэр

Булчуттар сэргэхсийэллэр
Ааптар: Киин Куорат
Бөлөххө киир

Урааннаах уһун кыһыммыт кэнниттэн айылҕабыт уһуктар, күммүт уһуур, халлааммыт сырдыыр, сылаас күннэр турар кэмнэригэр эр дьоммут айылҕалыын тэҥҥэ сэргэхсийэллэр. Тоҕо диэ? Тоҕо диэтэххэ, кус кэлиитэ чугаһыыр, саалыы барар кэмнэрэ бу тирээн кэлэр. Дьиҥэр, кинилэр саас эрэ кэллэҕинэ кустарын санаабаттар, кинилэр саҥа дьыл бүттэ да төлөпүөннэһэллэрэ, быһаарсаллара саҕаланар, ханна, хаһан, хайдах бараллара-кэлэллэрэ чопчуланар, кими ылаллара, ылбаттара чуолкайданар. Кими ылаллара диэн тиэмэҕэ эттэхпинэ, мин билэрбинэн дурдаҕа уонна үүтээҥҥэ, мотуордаах оҥочоҕо хас киһи олорорунан суоттаналлар. Ити мин булчут кэргэннээх, уоллаах буоламмын этэбин, кыһыҥҥыттан саҕалаан кинилэр ол туһунан уора-көстө кэпсэтэллэрин билэбин. Онон эр дьон киэнэ, этэргэ дылы, “стратегия”, бэйэтэ биир байыаннай дьыала курдук буоллаҕа. Онно биһиги орооспоппут, тус бэйэм алаадьы эрэ астыыбын, атын малларын бэйэлэрэ испииһэктээн, уолаттарын кытта сүбэлэһэн эрдэттэн атыылаһан суол сабылла илигинэ ыытан кэбиһэллэр.

Дьахтар сылга биирдэ, иһэ үлүннэҕинэ иккитэ сылдьар маҕаһыына баар. Билэҕит, таайдыгыт дуо? Ол маҕаһыыҥҥа бу матырыйаалы суруйар наадаттан тиийэ сырыттым. Сэрэйдэххит буолуо, ботуруон, буулдьа, бултуур тэрил атыылыыр “Байанай” диэн ааттаах маҕаһыын. Миигин кытта бэрт эйэҕэстик эдэркээн атыыһыт, 19 саастаах Артем Иванов кэпсэттэ.

– Билигин муус аннынан балыктааһын саҕаланан эрэр. Онно мармышкалары, чиэрбэлэри ылаллар, уопсайынан, онно наадалааҕы, тиэрмэһигэр, спальнигар тиийэ көрөллөр.

Бу кэннэ тута боростуой балыктааһын саҕаланар. Муус устар ортотун диэки, онно эмиэ күөгүлэр, спиннинг атыыга элбиэҕэ.

Ол кэннэ дьэ кус кэлэр, чугаһаата да диэххэ сөп. Онно ботуруон ылыыта саҕаланна, тыаттан кэлии-барыы элбээтэ. Билигин саамай наадыйаллара ботуруон. Саа ылааччылар да бааллар, сыаналара 30 тыһыынчаттан (МР) саҕалаан, итальянскай 200 тыһыынчаҕа тиийэ баар. 100-120 тыһыынчалаахтар да бааллар.

Билигин булчуттар арыый чэпчэки сыаналааҕы көрдүү сатыыллар. Утуйар мөһөөччүк синтепонтан саҕалаан тэбиэн, бараан түүтүттэн бааллар. Табаарбыт үксүлэрэ Арассыыйа киэннэрэ, хаачыстыбалара үчүгэй. Таҥас-сап, саппыкы эҥин барыта Арассыыйа киэннэрэ.

Дьэ, ити курдук булчут тэринэн барарыгар куорат маҕаһыыннарыгар талбыт барыта баар.

Сонуннар

Ордук ааҕаллар

Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...
Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Элбэх оҕолоохторго — ураты болҕомто
Сонуннар | 06.06.2024 | 16:00
Элбэх оҕолоохторго — ураты болҕомто
2024 сыл ыам ыйын 28 күнүгэр ыытыллыбыт Ил Түмэн сэттис (уочараты таһынан) пленарнай мунньаҕар норуот дьокутааттара «Саха Өрөспүүбүлүкэтигэр элбэх оҕолоох ыал статуһун туһунан» өрөспүүбүлүкэ сокуонугар уларытыылары киллэриини өйөөтүлэр.   Санатан эттэххэ, дойду баһылыга Владимир Путин 2024 сыл тохсунньу ыйыгар элбэх оҕолоох дьиэ кэргэттэр статустарын болдьоҕо суох оҥорбута. Ол эбэтэр үс уонна...
Арыгы атыытын бобуутун полиция үлэһиттэрэ хонтуруоллуохтара
Сонуннар | 08.06.2024 | 11:51
Арыгы атыытын бобуутун полиция үлэһиттэрэ хонтуруоллуохтара
Куорат баһылыга Евгений Григорьев дьаһалынан VIII-с «Азия оҕолоро» Оонньуулар ыытыллар кэмнэригэр бэс ыйын 25 күнүттэн  от ыйын 8 күнүгэр диэри Дьокуускай куоракка арыгылаах утах атыыта бобуллар. Ол эбэтэр бу күннэргэ арыгылаах утах атыытыгар идэтийэр эргиэн туочукалара сабыллаллар, атын маҕаһыыннарга арыгы атыылыыр отделлар үлэлээбэттэр.  Бу хаарчах арыгынан эргинэр кафе, ресторан, бар...