29.05.2021 | 15:11

Бука бары сэрээккэҕэ тахсыахха

Бука бары сэрээккэҕэ тахсыахха
Ааптар: Айталина Софронова

Ыам ыйын 18 күнүттэн киин куоракка сарсыардааҥҥы чэбдигирдэр сэрээккэлэр болуоссаттарга, сквердэргэ, дьон сынньанар сирдэригэр ыытыллаллар. Күн бэҕэһээ Ленин болуоссатыгар тиийэн, нэһилиэнньэ төһө сылдьарын, ордук кимнээх кэлэллэрин кэтээн көрдүм.

Ленин болуоссатыгар лоп курдук сарсыарда 7.00 чааска хойутааһына суох тиийдим. Миигин Лыткин Матвей Иванович көрүстэ. Кинини кытта кэпсэттим.

 Өрөспүүбүлүкэ сүүмэрдэммит хамаандаларын спортивнай бэлэмнээһинин киинэ Ленин болуоссатыгар эппиэтинэстээхпит.  Уопсайа икки инструктор сэрээккэни ыытар – Владимир Ильич Иванов уонна Наталья Егоровна Гоголева.

 Дьон истиһэн, ахсааннара кыралаан элбээн иһэр. Маҥнайгы дьарыктарга уонча киһи кэлбит буоллаҕына, билигин сүүрбэччэҕэ тиийдибит. Ордук киин болуоссакка чугас олорор куорат олохтоохторо, ыалдьыттара кэлэн сэрээккэлииллэр, эттэрин-хааннарын уһугуннараллар.

 Хааччахтааһын бары миэрэтин тутуһабыт. Болуоссат киэҥ буолан, кэлбит дьон бэйэ икки ардыгар 1,5-2 миэтэрэ тэйиччи туттууну тутуһар. Кэтээн көрдөххө, вакциналаммыт уонна коронавируһунан номнуо ыалдьыбыт дьон сылдьаллар. Ол иһин бу өттүгэр миэрэ тутуһуллар диэххэ наада.

 Матвей Иванович, коронавируһунан ыалдьыбыт дьоҥҥо хамсаныы туһата элбэҕэ буолуо?

 Оннук! Ыалдьыбыт дьон доруобуйаларын бөҕөргөтөллөрүгэр сарсыардааҥҥы хамсаныылар сүрдээх туһалаахтар. Уопсайынан, билиҥҥи сэрээккэлэр девизтэрэ “Сарсыардаттан бэйэҕин кыай” диэн буолар. Хамсык ыарыы, бары билэрбит курдук, киһи хаанын хойуннаран, атын уорганнарыгар дьайара биллэр суол. Ону биһиги хамсанан, спордунан дьарыктанан эппитин-хааммытын чөлүгэр түһэриэхтээхпит.

 Сэрээккэҕэ сылдьыбыт дьон, күнү быһа сэргэхтик,  чэпчэкитик сылдьабыт диэн кэпсииллэр.

 Дьарыктар хайдах ыытыллалларый?

 Дьарыктар комплекснайдык ыытыллаллар. Баҕалаах дьон хаалыктаах хаамаллар, сүүрэллэр уо.д.а. Инструктордарбыт уончалыы сыл уопуттаах дьон, онон нэһилиэнньэҕэ сөптөөх эрчиллиилэри көрдөрөллөр.

Мария Мигалкина, Киин уокурук олохтооҕо, биэнсийэлээх:
—    Халлаан сылыйан, сарсыардааҥҥы сэрээккэлэр сөргүтүллүбүттэрэ саамай сөп! Мин чугас олорор буоламмын, сатыы сылдьабын. Инструктордар сүрдээх тэтимнээх хамсаныылары оҥортороллор, киһи күн устата эрчимнээхтик, сэниэлээхтик сылдьар.
Дмитрий Иванович, Киин уокурук олохтооҕо, үлэһит:
— Мин сарсыарда ахсын сүүрэбин уонна манна кэлэн сэрээккэ оҥоробун. Бэйэм быйыл саас дьаҥҥа хаптаран ыалдьыбытым, ол кэннэ спордунан дьарыктанарым элбээтэ. Бачча киэҥҥэ-куоҥҥа, чэбдик салгыҥҥа киһи этин-хаанын хамсатыахтаах. Түгэнинэн туһанан, куорат дьонун барыгытын спордунан дьарыктаныҥ диэн ыҥырабын.  
Сарсыардааҥҥы сэрээккэ киһи иммунитетын бөҕөргөтөр, туругун тупсарар. Онон, куорат олохтоохторо, бары тутуспутунан доруобуйабытын чэбдигирдэр туһуттан сэрээккэлиэххэ, сарсыардаттан эппитин-хааммытын уһугуннарыахха.

Сонуннар

Ордук ааҕаллар

«Sakhalifting» тардынааччылара сөхтөрөллөр
Спорт | 14.01.2022 | 20:42
«Sakhalifting» тардынааччылара сөхтөрөллөр
Ханна да тиийдэххэ, физкультуранан уонна спордунан утумнаахтык дьарыктанааччылар бааллар.  Хамсык ыарыы өрө турбут кэмигэр дьарыктанааччылар ахсааннара эбиллэ турара үөрдэр. Онлайн ситимин нөҥүө көхтөөхтүк дьарыктыыллар. Балтараа сыллааҕыта тэриллибит “Финанс” РИК гендириэктэрэ Дмитрий Захаров салайааччылаах “Sakhalifting”-турникка тардыныы бассаап-бөлөх ааспыт сылы дьоһуннук түмүктээтэ. Кэккэлэрэ да хаҥаан иһэр, көрдөрүүлэр да тупсаллар. 13 саастаах оҕотуттан...
«Инникигэ хардыы» конференцияҕа Дьокуускайтан 263 үөрэнээччи кыттар
Сонуннар | 11.01.2022 | 12:00
«Инникигэ хардыы» конференцияҕа Дьокуускайтан 263 үөрэнээччи кыттар
Тохсунньу 8 күнүгэр «Шаг в будущее» – «Инникигэ хардыы» XXVI өрөспүүбүлүкэтээҕи научнай конференция үөрүүлээхтик арылынна. Манна 34 оройуонтан 1 700 тахса үөрэнээччи бэйэлэрин научнай-чинчийэр  үлэлэрин түмүгүн билиһиннэрэллэр.  «Шаг в будущее» – «Инникигэ хардыы» XXVI өрөспүүбүлүкэтээҕи научнай конференция куораттааҕы түһүмэҕэр 2021 сыл сэтинньи 10 күнүттэн ахсынньы 16 күнүгэр диэри дистанционнай форматынан...
Дьокуускай салалтата крематорий тутуутун көҥүллээтэ
Сонуннар | 11.01.2022 | 16:00
Дьокуускай салалтата крематорий тутуутун көҥүллээтэ
Олохтоох дьаһалта «Быдан Эргиир» ХЭТ киин куоракка колумбарийдаах крематорий тутарыгар көҥүлү биэрдэ. Ити туһунан куорат баһылыгын нэдиэлэтээҕи планеркатыгар этиллиннэ диэн иһитиннэрдэ  Олохтоох дьаһалта пресс-сулууспата.  Куораты тутууга уонна тырааныспар инфраструктуратыгар Департамент информациятынан, 2021 сыл кулун тутар ыйыгар «Национальная мемориальная компания» ХЭТ диэн Арассыыйа территориятыгар кремациялыыр комплекстары тутуу операторыттан коммерческай этии киирбит....
Окружной шоссеҕа саҥа светофордар
Сонуннар | 11.01.2022 | 14:00
Окружной шоссеҕа саҥа светофордар
Олохтоох дьаһалта тырааныспарга уонна суол инфраструктуратыгар Управлениетын информациятынан, Окружной шоссеҕа суолга куттал суох буолуутун хааччыйар сыаллаах икки светофор холбоммут. Кинилэр суол икки өттүнэн – Окружной шоссе быһа охсуһуутуттан уонна Космонавтар  уулуссаларыттан чугас тураллар. Бу туһунан Олохтоох дьаһалта пресс-сулууспата иһитиннэрдэ.  Светофордар суол икки өттүнэн барар тырааныспары тэҥҥэ тохтотор гына оҥоһуллубуттар. Оччоҕо...