10.03.2021 | 17:41

Бухатыыраптар кинигэ таһаардылар

Бухатыыраптар кинигэ таһаардылар
Ааптар: Киин Куорат
Бөлөххө киир

Аан дойдутааҕы Дьахталлар күннэрин бырааһынньыгынан, биир дойдулаахпыттан, коллегабыттан, дьүөгэбиттэн СӨ Бочуоттаах бэтэрээнэ Людмила Романовна Богатыреваттан кинигэ бэлэх уонна сибэкки дьөрбөтө туттум.

Кини бииргэ төрөөбүт убайа СӨ тыатын хаһаайыстыбатын Бочуоттаах бэтэрээнэ Роман Богатырёв "Бухатыыраптар төрүччүлэрэ" диэн үс үйэни хабар дириҥ ис хоһоонноох, научнай-чинчийэр суолталаах үлэни архыыптан хасыһан, кырдьаҕастар кэпсээннэрин суруйан, элбэх матырыйааллары хомуйан, сааһылаан кинигэ оҥорон таһаарбыт. 118 арыллар сирэйдээх, көмүс суруктаах, халыҥ тастаах, хаартыскалардаах дьоһун кинигэ. Аан тылы сэрии сылын оҕото, СӨ култууратын үтүөлээх үлэһитэ,биллиилээх суруналыыс Семён Протодьяконов олус сиһилии ырытан, дьоннор ааттарын киллэртээн туран суруйар, махтанар. Богатырёвтар биир улахан ситиһиилэринэн бу төрүччүлэрин кинигэтэ түстэммитин ыйар. Таатта улууһун Бочуоттаах бэтэрээнэ Роман Романович аҕа - ийэ уустарын үөрэтэн, эдэр көлүөнэтин кэнчээри ыччатыгар бигэ олук оҕуста диэн үрдүктүк сыаналаабыт. Кинигэ үс түһүмэхтэн турар, бастакы түһүмэххэ Бухатыыр уус төрүччүтүн төрдө; иккис түһүмэххэ "Төрүттэрбит, удьуордарбыт"; үһүс түһүмэххэ Бухатыыр уус сыдьааннара уонна кинилэр дьиэ кэргэттэрэ 21 үйэ бастакы 20 сылыгар киирбит. Богатырёвтар Уустан төрөөн-ууһаан тарҕаммыт Богатырёвтар удьуордарын билбэт да киһи олус тартаран ааҕар бастыҥ айымньыта. Холобур, мин бу кинигэттэн элбэҕи биллим, аахтым. Төрүттэрэ тарбахтарыгар талааннара, дьарыктара үйэлэргэ бэриллэн испит, уус идэтэ удьуордааһынтан быһаччы тутулуктаах идэ. Кимтэн кииннээх, хантан хааннаах аҕа уустара буолабыт диэн, улахан убайдарын дьаһалынан, уруу-аймах түмсэннэр, толкуйдаан, былааннаан илиилэрин сылааһын ууран бэчээттэппит кинигэлэрэ ааҕааччы киэҥ араҥатыгар анаммыт.

  АННА  КОЗЛОВА

Дьокуускай куорат.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Дархан этээччи Валентин Хорунов:  «Саха оһуохайа аан дойду дьонун түмүөҕэ...»
Дьон | 23.05.2024 | 10:00
Дархан этээччи Валентин Хорунов: «Саха оһуохайа аан дойду дьонун түмүөҕэ...»
Былырыын балаҕан ыйын 7 күнүгэр Саха Өрөспүүбүлүкэтин Ил Дархана Айсен Николаев Оһуохай күнүн олохтуур туһунан Ыйаахха илии баттаабыта. Дьэ, ол үөрүүлээх күммүт – ыам ыйын 25 күнэ үүнэрэ икки хонук хаалла.  Бүгүҥҥү нүөмэрбит ытык-мааны ыалдьыта – Саха Өрөспүүбүлүкэтин Дархан этээччитэ Валентин Хорунов.   Дьуохар биһигэр улааппыт дьоллоохпун – Валентин Васильевич, саха...
Уу хаачыстыбата мөлтөөтө
Сонуннар | 14.05.2024 | 16:12
Уу хаачыстыбата мөлтөөтө
Роспотребнадзор иһитиннэрэринэн, ыам ыйын 15 күнүттэн уу ситимин мониторинныыр сирдэртэн күннэтэ анаалыс ылыллар буолуоҕа. Көмүөл мууһа барар кэмигэр сыллата уу хаачыстыбата мөлтүүр, кыраантан кэлэр уубут өлбөөркөй, кирдээх дьүһүннэнэр, ол эрэн билиҥҥитэ СанПиН бары ирдэбиллэригэр эппиэттиир хаачыстыбалаах. Маннык түгэҥҥэ Роспотребнадзор анал фильтрдары туттарга, кыраан уутун оргутан эрэ баран иһэргэ, бытыылкалаах ыраастаммыт...