13.05.2021 | 20:02

Бу өрөбүллэргэ 3 №-дээх балыыһаҕа ким баҕалаах вакцина ылыан сөп

Бу өрөбүллэргэ 3 №-дээх балыыһаҕа ким баҕалаах вакцина ылыан сөп
Ааптар: Киин Куорат

Ыам ыйын 15-16 күннэригэр Дьокуускай куорат 3 №-дээх балыыһата бу учаастакка сыһыарыллыбатах дьону эрдэттэн суруйтарбакка кэлэн вакцинацияны ааһалларыгар ыҥырар. Балыыһа пресс-сулууспата биллэрбитинэн, коронавируһу утары вакцина саҥа паартыйата кэлэн, өрөбүл күн аахсыйата салҕанар. Ыам ыйын 15-16 күннэригэр ким баҕалаах сарсыарда 9 чаастан киэһэ 18 чааска диэри вакцина ылар кыахтанар. Пааспаргытын, ОМС полискытын уонна СНИЛС илдьэ тиийэҕит. 


Уочараттара кэлбит дьон Спутник V (Гам-Ковид-Вак) уонна ЭпиВакКорона вакциналартан бэйэлэрэ талбыттарын ылыахтара. Быһыыны аан бастаан ылар дьон иккис түһүмэххэ график быһыытынан кэлэллэр. Специалистэр этэллэринэн, прививка бастакы түһүмэҕэ иммунитеты бөҕөргөппөт. Онон иккис түһүмэҕи ааһар булгуччулаах.
Маны таһынан, Дьокуускай куорат 3 №-дээх балыыһата бу учаастакка сыһыарыллыбыт, ол эрээри кыайан кэлэр-барар кыаҕа суох, доруобуйаларыгар хааччахтаах дьонтон коронавирус дьаҥын утары прививканы дьиэлэригэр тиийэн туруорарга сайаапкалары ылар. Билсэр нүөмэрдэргит: 88002005454 уонна 506421.

Сонуннар

Ордук ааҕаллар

Николай Винокуров:  «Дойдубар этэҥҥэ эргиллэн кэллим...»
Дьон | 19.11.2022 | 18:00
Николай Винокуров: «Дойдубар этэҥҥэ эргиллэн кэллим...»
«Боотур» этэрээт байыастарын ортотугар биһиги биир дойдулаахпыт Алаһыай нэһилиэгиттэн төрүттээх Николай Винокуров баарын истэн, кэпсэтиэхпин баҕардым. Ол эрэн сэһэргэһиибин хайдах-туох саҕалыахпын тобуларбар олус ыарахан этэ. Бу үлэ, үөрэх, сайдыы, тэрээһин туһунан суруйуу, кэпсэтии буолбатах... Бу — олох, дьылҕа, тыын былдьаһыы, өлүү-сүтүү, инники олох иһин охсуһуу туһунан сэһэргэһии. Николай тута хоруйдаабытыгар...
Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Элэгэнтэй Адамов:  «Сиэрдээх өй-санаа төрүт дьарыкка эрэ баар»
Дьон | 20.11.2022 | 11:00
Элэгэнтэй Адамов: «Сиэрдээх өй-санаа төрүт дьарыкка эрэ баар»
Бүгүҥҥү нүөмэргэ Чурапчы улууһун Чакыр нэһилиэгин олохтооҕо Элэгэнтэй Адамовы кытта тыа сирин олоҕун, итэҕэл, уус идэтин, сайдыы, норуот дьылҕатын, кэскилин туһунан сэһэргэстибит. Дьоҕурдаах киһи анаарыыта киэҥэ, этэр тыла оруннааҕа сөхтөрдө.