Бу күннэргэ «Өлүөнэ очуостара” национальнай пааркаҕа барымаҥ

Саха сирэ киэн туттар, айылҕа биир дьикти көстүүлээх сиригэр – Өлүөнэ очуостарыгар ыраахтан-чугастан дьон-сэргэ тиһигин быспакка сылдьар. Ол эрэн бу күннэргэ онно баран сынньанар сэрэхтэээх.
«Өлүөнэ очуостара” национальнай паарка дириэктэрэ Аркадий Семенов муус барыытынан сибээстээн, Өлүөнэ эбэҕэ балаһыанньа оннун булуор диэри, өрөспүүбүлүкэ олохтоохторун пааркаҕа сынньана барартан туттуналларыгар сүбэлээтэ. 

«Өлүөнэ очуостара” национальнай пааркаҕа эбэ муустан ырааһыран уу суолун сырыыта көҥүллэниэр диэри кэлбэккитигэр көрдөһөбүт”, – диэн Аркадий Семенов инстаграм ситимин нөҥүө өрөспүүбүлүкэ олохтоохторугар туһаайан суруйда.
Кини Буотама үрэх төрдүгэр уонна онтон да атын ити диэки сирдэргэ муус харан турарын эппит.