Бойобуой дьайыылар кыттыылаахтарыгар сибэкки дьөрбөтө

Олунньу 15 күнүгэр Дойдуларын тас өттүгэр ытык иэстэрин төлөөбүт Арассыыйа олохтоохторун өйдөөн-санаан ылаллар. Онон бу күн Дьокуускайга Хабаров уулуссатыгар бойобуой дьайыылар кыттыылаахтарыгар сибэкки дьөрбөтүн ууруу сиэрэ-туома буолан ааста.
Үөрүүлээх тэрээһиҥҥэ куорат баһылыгын солбуйааччыта Антон Алексеенко кыттыыны ылла. Кини бэлиэтээбитинэн, бүгүн өрөспүүбүлүкэ, куорат салалтата, уопсастыбаннас 33 сыл анараа өттүгэр буолбут сабыытыйалары – Афганистантан сэбиэскэй буойуннары таһаарбыт кэмнэрин саныыллар.
“Бэтэрээннэр, бойобуой дьайыылар кыттыылаахтара ол сылларга гражданскай иэстэрин чиэстээхтик толорбуттара, оттон бүгүн куораппыт уонна өрөспүүбүлүкэбит сайдарыгар сүҥкэн кылааттарын киллэрэллэр”, - диэн Алексеенко тоһоҕолоон бэлиэтээтэ.