Босхо бырайыаһынан туһанар үөрэнээччилэргэ саҥа уларыйыы киирдэ

Бу дьыл ыам ыйын 14 күнүттэн киин куоракка босхо бырайыаһынан 9 уонна 11(12) кылаас үөрэнээччилэрэ эрэ туһаныахтара. 
«Дьокуускай куорат» куораттааҕы уокурук суһал штабын ыам ыйын 12 күнүнээҕи мунньаҕар коронавирус инфекциятын тарҕаппат туһуттан  оскуола оҕолорун уопсастыбаннай тырааныспарга  каарталарын быстах кэмҥэ тохтотуу туһунан ПР-КЧС-36 №-дээх быһаарыныы ылылынна.  
Санатан эттэххэ,  нэһилиэнньэ кыаммат араҥатын оҕолоро босхо бырайыаһынан туһаналлар. Оттон быйыл муус устар 1 күнүттэн куорат уокуругун оскуолаларыгар үөрэнэр 5-11(12) кылаас оҕолоро куорат иһигэр уонна таһынааҕы нэһилиэктэригэр босхо айанныыр буолбуттара. Ол эрээри, саҥа дьаһалга олоҕуран, оҕолор босхо бырайыастара быстах кэмҥэ тохтотулунна.