«Боотур» этэрээт бирииһин кыайыылааҕа – Дьокуускай хамаандата

Олохтоох дьаһалта Физическэй култуураҕа уонна спортка управлениета иһитиннэрбитинэн, «Боотур» этэрээт бирииһигэр ыытыллыбыт өрөспүүбүлүкэтээҕи ыччат спартакиадатын түмүгүнэн кыайыылааҕынан киин куорат хамаандата таҕыста.

Спартакиада ахсынньы 8-10 күннэригэр Дьокуускайга, «Триумф» спортивнай бэлэм киинигэр уонна ХИФУ КФЕН спортивнай саалатыгар ыытылынна.

Баҕа өттүнэн тэриллибит «Боотур» этэрээт бирииһигэр ыытыллыбыт күрэхтэһиигэ өрөспүүбүлүкэ бары улуустарыттан 20 хамаанда кытынна. Ыччат хамаандалара буулдьанан ытыыга, национальнай остуол оонньууларыгар, баскетболга, военизированнай эстафетаҕа, ханаат тардыһыытыгар күрэс былдьастылар.

Петр Васильев салайааччылаах Дьокуускай куорат хамаандата сүрүн бирииһи – «УАЗ» микрооптуобуһу ылла.

Спартакиада туһунан сиһилии https://t.me/minmolYakutia ТГ-ханаалга ааҕыҥ.