Больничнай хаһан төлөнүөхтээҕий?

Үлэ дуогабарынан (трудовой договор), ол иһигэр кылгас болдьохтоох дуогабарынан, үлэлиир Саха сирин олохтоохторо страховкалаах буолуохтаахтар. Үлэһит киһи ыалдьар, эт-хаан эчэйиитин ылар, эбэтэр карантиҥҥа олорор түгэнигэр үлэлиир кыаҕа суоҕун туһунан больничнай лиис толоруллар уонна босуобуйа төлөнөр.

Страховкалаах үлэһит ыалдьан эбэтэр эт-хаан эчэйиитин ылан үлэлиир кыаҕын сүтэрэр түгэнигэр, үлэ биэрээччи бастакы үс күннээх босуобуйатын төлүүр. Онтон атын кэмэ РФ социальнай страховкалааһын пуондатын бүддьүөтүттэн төлөнөр.

Үлэһит карантиҥҥа олорор кэмигэр босуобуйа бастакы күнүттэн толору социальнай страховкалааһын пуондатыттан төлөнөр. Үлэ биэрээччи кылгас кэмҥэ үлэлиир кыаҕа суох буолуу булгуччулаах страховка усунуоһун олохтоммут болдьоххо кэмигэр төлөөн иһиэхтээх.

Саха сирин олохтоохторо үлэ сыһыаннаһыыларын туһунан ыйытыктары СӨ үлэҕэ министиэристибэтин «суһал линиятын» нүөмэригэр эрийэн билсиэхтэрин сөп: 508–075.

Сокуоннайа суохтук үлэттэн ууратыы түгэнигэр өрөспүүбүлүкэтээҕи нэһилиэнньэ дьарыктаах буолуутун судаарыстыбаннай кэмитиэтигэр биллэриҥ: 507–850.

Үлэ биэрээччи үлэһит быраабын кэһэр түгэнигэр Саха сирин судаарыстыбаннай үлэ инспиэксийэтигэр үҥсүөххэ сөп: 8 914 274– 22–66.

Предпринимательствоны өйөөһүн боппуруостарын СӨ предпринимательствоҕа министиэристибэтин исписэлиистэриттэн туоһулаһыахха сөп: 8 800 100–58–80.