Болҕойуҥ! Маҥнайгы кылааска сурутуу!
Муус устар 1 күнүттэн дойду үрдүнэн оҕолору маҥнайгы кылааска сурутуу саҕаланна. Үөрэх министиэристибэтин саҥа бэрээдэгинэн ыытыллыаҕа: докумуону туттарыы болдьоҕо, үөрэнээччилэр оскуолаҕа киирбиттэрин туһунан бирикээһи таһаарыы уларыйар, льготалаахтар испииһэктэрэ кэҥиир.
Төрөппүттэртэн (сокуоннай бэрэстэбиитэллэртэн) сайабылыанньалары бэс ыйын 30 күнүгэр ылан бүтүөхтэрэ.
Урут оскуола оҕону 7 күн иһигэр маҥнайгы кылааска суруйуохтаах эбит буоллаҕына, саҥа олохтоммут бэрээдэгинэн дириэктэр бирикээһэ бэс ыйын 30 күнүн кэнниттэн, үс үлэ күн устата, тахсар. Оҕо эдьиийэ, убайа үөрэнэр оскуолатыгар киирэр приоритетнай бырааптааҕын туһунан бастакынан сурукка киирдэ.
Прописката суох дьонтон сайабылыанньалары от ыйын 6 күнүттэн тутуохтара. Өскөтүн миэстэ баар буоллаҕына, оҕону оскуолаҕа ылыахтара. Үөрэх тэрилтэтэ миэстэ суох эрэ түгэнигэр аккаастыыр. Оччоҕуна Үөрэх управлениета төрөппүттэр атын оскуоланы булалларыгар көмөлөһүөхтээх.
Быйылгыттан туох уларыйыылар киирбиттэрин туһунан биһиги хаһыаппытыгар сиһилии суруйбуппут, kiinkuorat.ru сайтка таһаарбыппыт. Бу кюар-куодунан сирдэтинэн, Дьокуускай куорат Үөрэххэ управлениетын начаалынньыга Алексей Климентьевич Семенов нэһилиэнньэ ыйытыыларыгар хоруйдаабытын киирэн ааҕыаххытын сөп.
Сонуннар
Ордук ааҕаллар
