29.11.2020 | 17:36

Болҕойуҥ, «Бииргэ ТУК!» хаартысканан күрэх!

Болҕойуҥ, «Бииргэ ТУК!» хаартысканан күрэх!
Ааптар: Киин Куорат
Бөлөххө киир

2021-2023 сыллар Дьокуускайга – Тупсарыы сыллара. Ханнык баҕарар үтүө уларыйыы бэрт кыраттан саҕаланар. “Норуот күүһэ – көмүөл күүһэ” дииллэринии, кыттыһан, түмсэн оҥордоххо, туох барыта кыаллар, табыллар. 

Тупсарыы хас биирдии дьиэттэн, подъезтан, тэрилтэттэн саҕаланар. Барыта бэйэбититтэн тутулуктаах. Уруккуну уларытан, эргэрбити саҥардан, киэргэтэн, олохпутун тупсарыахпытын сөп. Бу – “Киин куорат” хаһыат Тупсарыы сылларыгар аналлаах “Бииргэ ТУК!” бырайыагын сыала-соруга. 

Бииргэ

Т – тупсарыахха,

У– уларытыахха,

К – киэргэтиэххэ!

Күрэххэ ким баҕалаах кыттар:

-Дьиэ кэргэн;

-Ыаллыылар (элбэх кыбартыыралаах дьиэлэр);

-Тэрилтэлэр (оскуолалар, оҕо уһуйааннара, о.д.а.).

Тугу гынабыт?

- Дьиэҕитигэр, кыбартыыраҕытыгар, тиэргэҥҥитигэр, подъезкытыгар, көрүдүөргүтүгэр, баҕар, тэрилтэҕит иһигэр (холобур, үөрэнээччилэр, учууталлар оскуолаҕытыгар, иитээччилэр уһуйааннарыгар) туох үлэни оҥорбуккутун кылгастык суруйаҕыт, урукку уонна билиҥҥи хаартыскаҕытын ыытаҕыт.

Тустаах тэрилтэлэр саҥа дьиэлэр истэрин-тастарын тупсаҕай гына оҥороллор.Эбэтэр анал биригээдэлэргэ харчы төлөөн өрөмүөннэтэр дьон үгүс. Күрэххэ салайар хампаанньа, анал биригээдэ үлэтэ аахсыллыбат! Ол эбэтэр кыттааччылар бэйэлэрин санааларынан, күүстэринэн, түмсүүлэринэн тупсарыы үлэтин ыытыахтаахтар.

Хайдах, ханна ыытабыт?

-Инстаграмҥа #киинкуорат_бииргэТУК диэн хэштеги туруоруҥ. Оччоҕо биһиги булан ылыахпыт.

-Сайаапкаларгытын, хаартыскаларгытын aksenof2017@mail.ru почтаҕа ыытаргытын күүтэбит.

- Сиһилии 8-914-22-33-574 төл. бассаапка суруйан ыйыталаһыҥ.

- Биһиги куонкуруспутугар кыттыан сөптөөх дьону инстаграмҥа kiinkuorat.ru бэлиэтээҥ.

Түмүгү таһаарыы

Бастыҥ үлэлэри хаһыакка, сайтка, инстаграмҥа kiinkuorat.ru аккауҥҥа таһаарабыт. Куоластааһын ыытыллыбат, лайк ахсаана учуоттаммат.   Куонкурус түмүгүн дьүүллүүр сүбэ быһаарар.  Кыттааччыларга барыларыгар туоһу сурук туттарыллыаҕа. Кыайыылаахтар дипломунан, өйдөбүнньүк бириистэринэн наҕараадаланыахтара.

Күндү ааҕааччыларбыт! Пандемия олоҕун сэргэхситэр бырайыакпытыгар көхтөөхтүк кыттыҥ! Тулабытын бииргэ тупсарыахха, уларытыахха, киэргэтиэххэ!

Биир, икки, үс!

Бииргэ ТУК!

Тук-тук – тупсаҕай,

Тук-тук – уран,

Тук-тук – кэрэ!

Ааспыкка инстаграмҥа Богдан Чижик уулуссатыгар турар элбэх кыбартыыралаах дьиэҕэ бэрт сэргэх челлендж биллэрбиттэрин биһирии көрбүт буолуохтааххыт. Ол курдук, олохтоохтор лифт иһигэр магнитиктары сыһыарараллар эбит. Онтон биири ыллаххына, иккини аҕалан хааллараҕын. Хайдаҕый? Бу идиэйэни өйөөччү үгүс. “Бачча ыарыы саҕана ол эмиэ туохтарай?” – диэбиттэр эмиэ бааллар. Туох куһаҕаннааҕый?   

Ыаллыылар үтүө холобурдара

Элбэх кыбартыыралаах дьиэлэргэ ыаллыылар ил-эйэ эҥээрдэһэн, өйдөһүү-өйөһүү үктэллэнэн олороллоро ахсааннаах. Ол эрээри “Бииргэ ТУК!” бырайыак бастакы кыттааччылара үтүө холобур буолаллар. 

Дьокуускай куоракка 80-с сыллардаахха тутуллубут дьиэ элбэх. Бу дьиэлэргэ үксүн маннык хартыына: кыараҕас көрүдүөрдээх подъезтар, эргэрбит эркиннэр, эмтэрийбит кирилиэстэр, үлтүрүйбүт бетон муосталар...

Горькай уулуссатыгар турар “малосемейкаҕа” ыаллыылар түмсэн, сатабылларын холбоон, харчы кыттыһан, подъезтарын маннык тупсарбыттар.

Бастатан туран, күлүүстээх тимир аан туруорбуттар, көрүдүөрдэрин бары күргүөмүнэн тахсан сууйбуттар-тараабыттар, эркиннэри кырааскалаабыттар, эргэ линолеуму саҥаҕа уларыппыттар.

1,5 м кэтиттээх 25 м линолеумҥа, водоэмульсионка уонна сыта суох түргэнник куурар кырааскаҕа барыта холбоон 13000 солк. бараабыттар. Бу кыттыспыт харчыларын ТСЖ-лара ыйдааҕы квартплаталарыттан көҕүрэтэригэр кэпсэппиттэр. Бэрт маладьыастар!

Эргэ дьиэҕэ олорон күн аайы олохтоох былааһы мөҕүттүөххэ, салайар хампаанньаны кытта үҥсүһүөххэ-харсыһыахха... Эбэтэр барытын бэйэ күүһүнэн тупсарыахха, уларытыахха, киэргэтиэххэ сөп! ТУК!

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Сүүтүк саҕа сүбэлэр
Тускар туһан | 17.02.2024 | 10:00
Сүүтүк саҕа сүбэлэр
Бүгүҥҥү нүөмэрбэр хаалбыт 25 сүбэни бэчээттиибин. Ааҕан туһаныаххыт диэн эрэнэбин, олоххут куруук күөх хонуунан аастын, күҥҥүт чэмэлийэ тыктын, дьоллоох-соргулаах буолуҥ!