04.03.2021 | 13:22

БКЭ-ҕэ уларыйыылар киирдилэр

БКЭ-ҕэ уларыйыылар киирдилэр
Ааптар: Киин Куорат
Бөлөххө киир

2021 сылга, коронавирус тарҕаныытын сэрэтэр уонна аччатар туһуттан, Судаарыстыбаннай түмүктүүр аттестация ыытыллар быраабылата өссө төгүл уларыйда.

Тустаах уураахха бырабыыталыстыба бэрэссэдээтэлэ Михаил Мишустин бу күннэргэ илии баттаата. Ол курдук, 9-с кылаас үөрэнээччилэрэ икки булгуччулаах эрэ предметтэри — нуучча тылын уонна математиканы эрэ туттарыахтара, эбии эксээмэни талан туттарыы диэн суох буолар.

Маны таһынан, үрдүк үөрэх кыһатыгар туттарсар санаата суох 11-с кылааһы бүтэрээччилэр, нуучча тылыгар уонна математикаҕа биир кэлим эксээмэн (ЕГЭ) оннугар, судаарыстыбаннай түмүктүүр эксээмэни (ГВЭ) туттарыахтара. Ол түмүгэр, орто уопсай үөрэхтээһин туоһулуур аттестаттарын син биир ылыахтара.

Үрдүк үөрэххэ туттарсар выпускниктар эрэ туһааннаах предметтэргэ БКЭ туттараллар.

Аттестат ыларга, нуучча тылын БКЭ-нин түмүгэ эрэ наада.

Оскуоланы урукку сылларга бүтэрбит, үрдүк үөрэххэ туттарсары былаанныыр выпускниктарга уонна эрдэ туттарыан баҕалаах онус кылаас үөрэнээччилэригэр БКЭ эмиэ ыытыллыаҕа.

11-с кылааһы бүтэрэр, доруобуйаларыгар хааччахтаах оҕолорго эксээмэни туттарыы быраабылата атын. Аттестат ыларга нуучча тылыгар судаарыстыбаннай түмүктүүр, эбэтэр биир кэлим эксээмэни туттарыахтарын сөп.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.