Билии күнүн көрсө ураты кинигэ күн сирин көрдө

Аҕыйах хонугунан оҕо аймах чугдаарар саҥатынан оскуола аайы үөрэх-билии саҥа аартыга аһыллыаҕа.

Бу күнү көрсө Үөһээ Бүлүү улууһугар олоҕун ыччат дьон үүнэригэр-сайдарыгар анаабыт  улахан буукубаттан  ааттанар учуутал, педагог, салайааччы, академик, Кэнтик оскуолатыгар өр сылларга директорынан үлэлээбит Василий Васильевич Яковлевка аналлаах кинигэ сүрэхтэниитэ буолан ааста.

О.Д. Федорова аатынан киин модельнай библиотека (салайааччы Н.К.Петрова) БИЛИИ күнүн көрсө бу суолталаах тэрээһини көҕүлээн ыытта.

Кинигэ сүрэхтэниитигэр Яковлев В.В. бииргэ алтыспыт коллегалара, үөрэнээччилэрэ, табаарыстара, аймахтара төгүрүк остуол  тула олорон ирэ-хоро кэпсэтэн, ис сүрэхтэн санаан-ахтан аастылар.
Яковлев Василий Васильевич олоҕун кэрчиктэрин , айымньылаах үлэтин, ыллыктаах санаалаах салайар идэтин сырдатар 
Яковлев Василий Васильевич  диэн аатынан тахсыбыт кинигэ улуус оскуолаларын библиотекаларыгар, музейдарга кэнэҕэски ыччакка холобур буолар ,элбэххэ үөрэнэр кинигэ быһыытынан сыаналанан тарҕанна.
Түгэнинэн туһанан бу кинигэни таһааттарбыт Василий Васильевич олоҕун аргыһа Александра Макаровнаҕа, оҕолоругар махтал мааныта ананар.
Кинигэҕэ  оскуола олоҕор, үлэ түгэннэригэр,  учуутал уонна үөрэнээччи сыһыаннарыгар, инникини көрөн салайыы түгэннэригэр, киһи майгытыгар , дьиэ кэргэн, оҕо, сиэн сыһыаннарыгар үгүс элбэх ахтыылартан билиҥҥи үйэ киһитэ олоҕор холобур оҥостор түгэннэрэ элбэхтик киирбиттэр.
Учууталга, педагогка, салайааччыга аналлаах тэрээһин үрдүк таһымнаахтык ааста.