Билиэттэрбитин хайдах төннөрөбүт

Тыйыс усулуобуйаҕа олорор дьон сайыҥҥы сынньалаҥмытын эрдэттэн былаанныыр идэлээхпит. Соҕуруу барар билиэппитин кыһын ылынан кэбиһэбит. Билигин коронавирус дьаҥа тарҕаммытыттан кыраныыссалар сабылыннылар, курортар уонна санаторийдар үлэлии иликтэр. Оттон эрдэ ылыллыбыт сөмөлүөт билиэтин хайдах төннөрөбүт?

Авиация салаата дьаҥ тарҕаммыт сабыдыалыгар саамай эмсэҕэлээбит эйгэ буолла. СӨ Траснпорт уонна суол хаһаайыстыбатын министиэристибэтэ регионнааҕы авиахампаанньаларга билиэттэри төннөрүүгэ быһаарыы тарҕатта. Ил Дархан уурааҕар олоҕуран, кулун тутар 18 күнүттэн муус устар 30 күнүгэр диэри болдьохтоох билиэттэр эрэ төннөрүллүөхтэрин сөп.

Билиэт харчытын толору, туох да ыстарааба суох төннөрүөххэ сөп эбит буоллаҕына, агеннар хомуйар төлөбүрдэрэ (билиэт атыылаһарга хайаан да “агентский сбор” диэн авиакасса ылар төлөбүрэ баар буолар) төннүбэт.

Интэриниэтинэн авиахампаанньа бэйэтин сайтыттан ылыллыбыт билиэт харчыта барыта төннөр, тоҕо диэтэххэ манна пассажир агена суох атыылаһар. 

СӨ Траснпорт уонна суол хаһаайыстыбатын министиэристибэтэ, авиахампаанньаларга билиэттэрин төннөрөр дьон харчыларын тута биэрэн иһэргэ соруйда.

“Якутия” авихампаанньа билиэттэрин кассаларыгар тутар.

“Полярные авиалинии” сайтыгар ылыллыбыт билиэттэри интэриниэтинэн тутар.

Авиахампаанньалар Дьокуускайга баар кассалара:

«Якутия»:

Быковскай уул., 9, төл: +7 (4112) 44-30-60;

П. Алексеев уул., 11, төл: +7 (4112) 42-00-92.

«Полярные авиалинии»:

Курашов уул., 22, төл: 8 (4112) 42-48-01;

Киров уул., 18А, төл: 8 (4112) 21-97-99;

Орджоникидзе уул., төл: 8 (4112) 21-95-90;

В.Кузьмин болуоссата, 10, аэропорт дьиэтэ, төл: 8 (4112) 49-54-45.

«Алроса»:

Мииринэй к., Ленин уул., 8 «а», +7 (41136) 4-66-65, +7 (41136) 4-71-70;

Мииринэй к., аэропорт, +7 (41136) 9-81-39;

Айхал б., Промышленнай уул., 30, пом. 6, 7, төл: +7 (41136) 6-44-35, +7 (41136) 6-02-89;

Светлый б., Гидро  уул., 1, +7 (41136) 7-17-76;

Удачнай к., аэропорт, +7 (41136) 5-25-30.