03.03.2021 | 10:24

Билиҥҥи кэмҥэ саамай наадалаах киинэ таҕыста

Билиҥҥи кэмҥэ саамай наадалаах киинэ таҕыста
Ааптар: Киин Куорат

 “Лена” кырдьаҕас киинэ театрыгар кулун тутар 2 күнүгэр сэрии саҕана Чурапчылар хоту көһөрүллүүлэрин туһунан документальнай киинэ премьератын олус долгуйан олорон көрдүбүт. "Вечная память народа" диэн киинэбит олус сөпкө ааттаммыт. Көһөрүллүү оҕолорун өйдүүр, кэм сэнэх эрдэхтэринэ кэпсэтиннэрбиттэрэ наһаа үчүгэй, киинэ ис хоһоонун сытыырхатан, тупсаран биэрдэ.

Премьераҕа историческай наука доктора А.А. Борисов ылыннарыылаах тылынан, историяны сиһилии кэпсээбитэ, сахалыы өйдөөбөт дьоҥҥо уонна Чурапчы алдьархайын ситэ-хото, чопчу билбэттэргэ анаммыт чуолкай быһаарыы буолла. Дьон саҥата субтитрынан нууччалыы тылбаастанан, сурук тахсан иһэрэ өссө үчүгэй буолбут. Биһиги дьоммут урукку олоҕу таҥнан-симэнэн, уобарастаан, итэҕэтиилээхтик оонньоон көрдөрдүлэр. Күүстээх толкуй, элбэх былааннаах үлэ барбыт.

    Арассыыйа олохтоохторо сэрии кэмигэр Саха сирэ хайдах курдук ыарахан балаһыанньаҕа олорбутун биллинэр. Бэйэлэрин толук ууран, аанньа аһы аһаабакка, аччыктаан да туран, кыахтара баарынан балыктаан, бултаан фроҥҥа көмөлөспүттэрин кэпсиир киинэ билиҥҥи кэмҥэ чахчы наада.

       Сыал-сорук туруорунан, иилээн-саҕалаан,үлэлээн-хамсаан киинэни атаҕар туруорбут, киэҥ көрөөччү сыанабылыгар таһаарбыт дьоннорбутугар Сардана Михайловна Захароваҕа, Лена Матвеевна Баишеваҕа, режиссёр Марина Калининаҕа, педагогическай үлэ бэтэрээнэ  Евдокия Федоровна Захароваҕа дириҥ махталбытын тиэрдэбин, айымньылаах үлэҕитигэр өссө үрдүк ситиһиилэри баҕарабыт. Сыарҕаҕыт сыҥааҕа сырылаччы сырылыы турдун, киинэ куонкурустарыгар ситиһиилэхтик кыттаргытыгар эрэнэбит.

Анна КОЗЛОВА

Сонуннар

Ордук ааҕаллар

Дьокуускай маастар-былаанын Илиҥҥи экономическай форумҥа билиһиннэриэхтэрэ
Сонуннар | 19.11.2021 | 11:30
Дьокуускай маастар-былаанын Илиҥҥи экономическай форумҥа билиһиннэриэхтэрэ
Саха сиригэр өрөспүүбүлүкэ киин куоратын маастар-былаанын оҥорорго Бүтүн Арассыыйатааҕы куонкуруска бэлэмнэнии саҕаланна. Итиннэ анаммыт пресс-конференцияҕа Ил Дархан Айсен Николаев иһитиннэрбитинэн, Дьокуускай маастар-былаанын аныгыскы Илиҥҥи экономическай форумҥа билиһиннэриэхтэрэ. Куонкуруһу өрөспүүбүлүкэ бырабыыталыстыбатын кытта Дьокуускай территориятын сайынннарыыга сөбүлэҥ чэрчитинэн Үүнэр көлүөнэ Целевой пуондата уонна  «ДОМ.РФ» сайдыы интситута үбүлүөхтээхтэр.  Балаҕан ыйыгар ыытыллыбыт бүтэһик Илиҥҥи...
Хоһоон ааҕыытыгар аһаҕас күрэс
Сонуннар | 24.11.2021 | 16:00
Хоһоон ааҕыытыгар аһаҕас күрэс
Саха АССР төрүттэммитэ 100 сылын кѳрсѳ, Ньурба оройуонун Малдьаҕар нэhилиэгин В.И. Максимов аатынан орто оскуолата 100 сылынан, Малдьаҕар  нэhилиэгин бастакы учуутала,  Дьокуускайдааҕы учительскай семинария бастакы выпускнига (1914-1917с.с)., Ньурба улууһун исполнительнай комитетын бэрэссэдээтэлэ, бэрэссэдээтэл солбуйааччыта (1924-1927 с.с)., Бүлүү уеһын общественнай куттала суох буолуутун комитетын чилиэнэ, продовольственнай уонна сир управаларын бэрэссэдээтэлэ (1923...
Ефим СТЕПАНОВ:  «Өндөрөй миэхэ эрэнэр, итэҕэйэр»
Дьон | 18.11.2021 | 13:16
Ефим СТЕПАНОВ: «Өндөрөй миэхэ эрэнэр, итэҕэйэр»
Кинилэр доҕордоспуттара үйэ аҥаарыттан орто. Айар үлэлэрин тыылаах эрдиигэ тэҥниэххэ сөп. Олохторун суола, айаннарын аартыга ол курдук быстыспат ситимнээх.    Саха АССР үтүөлээх артыыһа, ССРС Судаарыстыбаннай бириэмийэтин лауреата, Арассыыйа Судаарыстыбаннай бириэмийэтин лауреата, РСФСР үтүөлээх артыыһа, СӨ норуодунай артыыһа, П. А. Ойуунускай аатынан Судаарыстыбаннай бириэмийэ лауреата Ефим СТЕПАНОВ – “Киин куорат” хаһыат...
“Тобуруокап күһүнэ – Иэйии биһигэ"
Сонуннар | 22.11.2021 | 14:30
“Тобуруокап күһүнэ – Иэйии биһигэ"
“Иэйии” кэммиэрсийэтэ суох литературнай түмсүү көҕүлээһининэн “Тобуруокап күһүнэ – Иэйии биһигэ" кинигэ   Хаҥалас улууһун киин библиотекатыгар сүрэхтэннэ.    Тэрээһини Хаҥалас улууһун "Өлүөнэ долгуннара" литературнай түмсүү салайааччыта Людмила Колесова уонна Хаҥалас улууһун кииннэммит библиотекатын сүрүн испэсэлииһэ Валентина Колесова иилээн-саҕалаан ыыттылар.  Куйаар нөҥүө Үөһээ Бүлүүттэн «Нам» МТ нэһилиэгин баһылыга Николай Иннокентьевич Кардашевскай, Петр...