Бииргэ төрөөбүт оҕолору биир оскуолаҕа киллэриэххэ сөп буолла

Бииргэ төрөөбүт оҕолору дьиэтээҕи пропискаларыттан тутулуга суох биир оскуолаҕа киллэриэххэ сөп буолла. Ол туһунан уларыйыы Дьиэ кэргэн кодексатыгар от ыйын 13 күнүгэр киирдэ.
Бу иннинээҕи нуорманан биир дьиэ кэргэҥҥэ, биир дьиэҕэ олорор оҕолор эрэ биир судаарыстыбаннай уонна муниципальнай тэрилтэлэргэ  киирэр бырааптаах эбиттэр. 
Судаарыстыбаннай дума үөрэҕириигэ уонна наукаҕа кэмитиэтин чилиэнэ Алена Аршинова быһаарбытынан, ити нуорма оҕолор бииргэ төрөөбүттэрин дакаастыыр наадатын үөскэтэр эбит. Билигин ити усулуобуйа уларыйар. 
«Оҕо сүрүн хайысхаларынан – оскуолаҕа киириэн иннинээҕи уонна начальнай оскуола бырагыраамаларынан бииргэ төрөөбүттэрин кытта үөрэнэргэ быраабы ылар», - диэн сокуоҥҥа этиллэр.
Итини таһынан, бырабыыталыстыба судаарыстыбаннай федеральнай уорганнар көрүүлэригэр сылдьар үөрэх кыһаларыгар – «президент кадетскай училищетыгар», «суворовскай байыаннай училищеҕа», «нахимовскай байыаннай-муора училищетыгар», «кадетскай (морской кадетскай) байыаннай корпус», «казактар кадетскай корпустарыгар» уонна профессиональнай үөрэхтээһиҥҥэ – «байыаннай-мусукаалынай училищеҕа» үөрэнэр оҕолорго төлөнөр харчы кээмэйин, усулуобуйатын уонна бэрээдэгин быһаарар.