27.12.2021 | 19:51

Биир сүбэнэн, биир санаанан

Биир сүбэнэн, биир санаанан
Ааптар: Ньургуйаана Скрябина-Сайдыына
Бөлөххө киир

Сэтинньи 23 күнүттэн ахсынньы 3 күнүгэр диэри доруобуйаларыгар хааччахтаах дьон күннэрин чэрчитинэн араас тэрээһиннэр, быһа эфирдэр, төгүрүк остуоллар, күрэхтэр ыытылыннылар. Билиҥҥи ирдэбил барыта тутуһулунна.

Ол курдук, «Бииргэ дьоллоохпут» күрэххэ тоҕус ыал кытынна.  Нам улууһун 1-кы Хомустааҕыттан Людмила Гаврильевна,  Семен Васильевич Парниковтар бастакы миэстэҕэ тиксэн, кыайыы көтөллөннүлэр. Иккис миэстэни Мэҥэ Хаҥаластан Людмила уонна Иван Слепцовтар ыллылар, оттон Дьокуускайтан Туяра уонна Василий Копыриннар  үһүс миэстэ буоллулар.

«Ийэм, аҕам уонна мин» диэн күрэххэ Амматтан Кузьминнар бастакы миэстэ буолары ситистилэр. Чурапчыттан Владимировтар иккис миэстэҕэ, оттон Бүлүүттэн Поповтар үһүс миэстэҕэ тигистилэр. Кыайыылаахтар бары сыаналаах бирииһинэн наҕараадаланан, үөрүүлэрэ үксээтэ.

Сэтинньи 29 күнүттэн ахсынньы 1 күнүгэр диэри өрөспүүбүлүкэтээҕи инбэлииттэр уопсастыбаларын voi_sakha инстаграм страницатыгар быһа эфиргэ үлэлээх буолуу судаарыстыбаннай кэмитиэтиттэн Савва Анатольевич Михайлов, медико-социальнай экспертиза тэрилтэтин салайааччыта Лена Ивановна Лазарева ыйытыыларга эппиэттээтилэр, үлэлэрин сырдаттылар.

Сэтинньи 30 күнүгэр  доруобуйаларыгар хааччахтаах дьон пандемия кэмигэр  үөрүйэхтэрин туһунан төгүрүк остуолга өрөспүүбүлүкэ инбэлииттэрин уопсастыбатын бэрэссэдээтэлэ Ирина Васильевна Лебедева көҕүлээһиннээх  үлэлээх буолуу Судаарыстыбаннай кэмитиэтин салайааччытын солбуйааччы Савва Анатольевич Михайлов,  медико-социальнай экспертиза тэрилтэтин салайааччыта Лена Ивановна Лазарева, үлэ уонна социальнай   көмүскэл министиэристибэтиттэн Альбина Владимировна Трубина,  доруобуйаларыгар хааччахтаах дьон өрөспүүбүлүкэтээҕи спортивнай  киинин  дириэктэрин солбуйааччы Ньургун Валерьевич Иванов кыттыылаах төгүрүк остуол тула истиҥ кэпсэтии буолла.

Ахсынньы 3 күнүгэр Доруобуйаларыгар хааччахтаах дьон күннэрин көрсө “Саха” көрдөрөр-иһитиннэрэр хампаанньа нөҥүө быһа эфиринэн  сыл түмүктэрин таһаарыы, чаҕылхай көрдөрүүлээх уопсастыба чилиэннэрин бэлиэтээһин буолан ааста.   

Сыл түмүгүнэн «Бастыҥ үлэлээх тэрилтэнэн» Чурапчы улууһун Төлөй нэһилиэгин уопсастыбата ааттанна (бэрэссэдээтэл Мария Петровна Капрынова). «Бастыҥ дьиэ кэргэн» – Соловьевтар дьиэ кэргэн (Нам улууһа).

«Сыл түмүгүнэн бииргэ үлэлэспит киһинэн» Людмила Еремеевна Куприянова (Амма улууһа) буолла.

«Сыл бас-көс киһитэ» номинацияны Чурапчыттан Николай Николаевич Суздалов тутта.

«Саҥа саҕалааһын» номинацията Дьокуускайтан Александра Петровна Слепцоваҕа тигистэ.

«Искусство эйгэтигэр чаҕылхай ситиһии» номинацияны Үөһээ Бүлүүттэн Лука Николаевич Николаев ылла.

«Көлүөнэлэр билиниилэрэ» үрдүк аат Петр Евсеевич Устиновка (Амма улууһа) туттарылынна.

«Сыл суруналыыһа» ааты Амматтан Алтана Алексеевна Артемьева сүктэ.

Бу курдук доруобуйаларыгар хааччахтаах дьон күннэрэ биир сүбэнэн үрдүк таһымнаахтык түмүктэннэ.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...
Көмө мүнүүтэ да тохтообот
Дьон | 03.02.2023 | 12:00
Көмө мүнүүтэ да тохтообот
Аҕа дойду Улуу сэриитин кэмигэр Саха сирин дьоно-сэргэтэ төһө да тыһыынчанан килэмиэтиринэн ыраах олордоллор, өйдөрө-санаалара Кыайыы эрэ туһугар сытара. Биир дойдулаахтарбыт харчынан, облигациянан, үрүҥ көмүһүнэн, кыһыл көмүһүнэн, балыгынан, күндү түүлээҕинэн о.д.а. көмөнү хара көлөһүннэрин тоҕон туран фроҥҥа ыыппыттара. Ийэлэрбит, эбэлэрбит ыарахан үлэлэрин быыһыгар төһөлөөх кээнчэни, үтүлүгү тигэн ыыппыттарай! Дэлэҕэ сэрии...