27.01.2021 | 11:35

Биир кэлим социальнай карта баар буолуоҕа

Биир кэлим социальнай карта баар буолуоҕа
Ааптар: Киин Куорат
Бөлөххө киир

Дьокуускай куоракка олорор элбэх оҕолоох дьиэ кэргэттэр уонна чэпчэтиилэринэн туһанар бырааптаах гражданнар оҥоһуллар өҥө испииһэгин кэҥэтэр биир кэлим социальнай картаны ылыахтара.

Куорат баһылыгын э.т. Евгений Григорьев уонна СӨ улэҕэ уонна социальнай сайдыыга миниистирэ Елена Волкова биир кэлим цифровой сервис концепциятын олоххо киллэрии туһунан сөбүлэһиигэ илии баттаатылар.

«Аныгы кэмҥэ биир кэлим социальнай карта олоҕу чэпчэтэр инструмент буолуохтаах. Бу көмөтүнэн олохтоохтор оптуобус да, сөмөлүөт да билиэттэрин төлүөхтэрин, судаарыстыбаннай өҥөлөрүнэн туһаныахтарын, өрөспүүбүлүкэ уонна киин куорат тэрилтэлэригэр сылдьан атын бэйэни туоһулуур докумуоннар оннуларыгар социальнай картанан туһанан кыһалҕаларын быһаарар кыахтаныахтара», — диэн Евгений Григорьев эттэ.

Билигин элбэх оҕолоох дьиэ кэргэттэргэ уопсастыбаннай тырааныспарга айанныырга эбии чэпчэтиилэри киллэрии боппуруоһа быһаарыллар. Маны таһынан куорат муниципальнай тэрилтэлэрэ эбии чэпчэтиилэри көрөллөрө былааннанар.

«Карта бу иннинэ чэпчэтилэринэн туһанар туспа категориялаахтарга уопсастыбаннай тырааныспарынан айанныырга туһаныллар тырааныспар сыһыарыытын быһыытынан эрэ үлэлиир эбит буоллаҕына, билигин биһиги социальнай карта кыаҕын кэҥэтэр былааннаахпыт. Картанан уопсастыбаннай тырааныспарга эрэ буолбакка, бэйэни туоһулуур докумуоннары көрдөрүүтэ суох судаарыстыбаннай өҥөлөрү ылар кыаҕы биэриэхпит», — диэн Елена Волкова тоһоҕолоон эттэ.

Саха сирин олохтооҕун биир кэлим цифровой сервиһин концепциятын олоххо киллэрии дьаһалларын былаанын Өрөспүүбүлүкэ бырабыыталыстыбатын бэрэссэдээтэлэ Андрей Тарасенко бигэргэппитэ.

Сонуннар

Ордук ааҕаллар

ЗИЛ массыынаҕа оҕо төрөтөммүн, быыгабар ылбытым...
Дьон | 09.03.2023 | 09:30
ЗИЛ массыынаҕа оҕо төрөтөммүн, быыгабар ылбытым...
  Бүгүн ааҕааччыларбар Уус Алдан улууһун Суотту нэһилиэгин олохтооҕо Розалия Константиновна Пермякова туһунан кэпсиэхпин баҕарабын. Кини түөрт оҕо иһирэх ийэтэ, элбэх сиэн эйэҕэс эбэтэ. 42 сыл устата медицинаҕа үлэлээн билигин бочуоттаах сынньалаҥҥа олорор, суоттулар биир мааны кийииттэрэ. Кини мин бииргэ төрөөбүт улахан эдьиийим, 7 оҕоттон үһүс оҕо, Бэрииһэптэр бастакы күүтүүлээх-кэтэһиилээх кыыстара....
ТҮӨРЭХ
Сынньалаңңа | 09.03.2023 | 21:00
ТҮӨРЭХ
Үһүс чааһа.
Михаил Трофимов: «Оҕо иитиитин дьахтарга сүктэрэн кэбистибит»
Дьон | 11.03.2023 | 10:00
Михаил Трофимов: «Оҕо иитиитин дьахтарга сүктэрэн кэбистибит»
Бүгүн кэпсиир киһибит – Амма улууһун Соморсун нэһилиэгин «Эрчим» эр дьон түмсүүтүн салайааччыта, сорсуннаах булчут, спортсмен, элбэх оҕолоох ыал аҕата Михаил Егорович Трофимов.
ТҮӨРЭХ
Сынньалаңңа | 10.03.2023 | 21:00
ТҮӨРЭХ
Төрдүс чааһа.