Биир кэлим босуобуйа Саха сиригэр 73 565 оҕо төрөппүтүгэр ананна
![Биир кэлим босуобуйа Саха сиригэр 73 565 оҕо төрөппүтүгэр ананна](https://kiinkuorat.ru/wp-content/uploads/2024/05/eNti8zto2d.jpg)
Ыам ыйын 23 күнүнээҕи туругунан Саха сиригэр биир кэлим босуобуйа 73 565 оҕо төрөппүтүгэр уонна 1 699 хат дьахтарга ананан, 8,59 млрд солк. төлөннө.
Ол туһунан Арассыыйа Социальнай пуондатын Саха сиринээҕи салаатын салайааччыта Марина Герман брифиҥҥэ иһитиннэрдэ.
Марина Герман маны сэргэ биир кэлим босуобуйаны анатарга элимиэн хайдах ааҕылларын быһаарда.
Ол курдук, биир кэлим босуобуйаҕа арахсыбыт төрөппүт сайабылыанньа биэрэр түгэнигэр, кэккэ түгэннэри учуоттуур наадатын эттэ. Холобура, сайабылыанньаны Госуслуги нөҥүө биэрэргэ, «Семейное положение» диэҥҥэ «В разводе» диэни талыахха наада. Оччотугар арахсыбыт кэргэн дохуота уонна баайа-дуола дьиэ кэргэн уопсай дохуотугар ааҕыллыбат.
«Бэс ыйын 1 күнүттэн биир кэлим босуобуйа саҥа быраабыланан ааҕыллар – элимиэни учуоттуур бэрээдэк уларыйар. Өскөтүн билигин сайабылыанньа биэрээччи элимиэнтэн киирбит ханнык баҕар харчыны ыйар буоллаҕына, бу боппуруоска суут быһаарыыта суох да түгэнигэр, бэс ыйын 1 күнүттэн уларыйыы киирэр»,– диэтэ Марина Герман.
Өскөтүн элимиэн кээмэйэ суутунан олохтоммут буоллаҕына, уруккутун курдук дохуокка дьиҥ киирбит харчы ааҕыллар. Бу сууманы сайабылыанньаҕа ыйыахха наада, эбэтэр Социальнай пуонда суут бириистэптэрин сулууспатыттан бэйэтэ ылар.
Оттон төрөппүттэр элимиэн сууматын тылынан быһаарсыбыт эбэтэр нотариуһунан бигэргэппит буоллахтарына, сайабылыанньаҕа эбэтэр нотариальнай сөбүлэһиигэ ыйыллыбыт суума учуоттанар, ол эрээри :
- биир оҕоҕо 4 810,50 солк. итэҕэһэ суох (МРОТ ¼ тэҥнэһэр);
- икки оҕоҕо 6 414,00 солк. Итэҕэһэ суох (МРОТ ⅓ тэҥнэһэр);
- үс уонна онтон элбэх оҕоҕо 9 621,00 солк. (МРОТ ½ тэҥнэһэр).
Арахсыы соҕотох төрөппүт диэн статуһу биэрбэт уонна дохуота суох буолууга төрүөт буолбат.
«Социальнай пуонда биир кэлим босуобуйаны анатарга Госуслуги портал нөҥүө сайабылыанньа эрэ биэрэр наадатын санатар»,– диир Марина Герман.
Сиһилии 8-800-100-00-01 (босхо) нүөмэринэн билсиэххэ сөп, диэн иһитиннэрэр Ил Дархан уонна Бырабыыталыстыба пресс-сулууспата.
Сонуннар
Ордук ааҕаллар
![Түөһэйии элбээн иһэрэ дьиксиннэрэр...](/thumbnails/600/300/wp-content/uploads/2024/08/NNDIAGM5TA.jpg)
![Герман Отов: «Пригороднай аныгылыы улахан бөһүөлэк буолар чинчилээх...»](/thumbnails/600/300/wp-content/uploads/2024/09/inhECNdY5z.jpg)
![Баһылык Строительнай уокурук олохтоохторун кытта көрүстэ](/thumbnails/600/300/wp-content/uploads/2024/08/qRWAY5fveB.jpg)
![«Якутск вдохновляет» күрэххэ кыттыҥ!](/thumbnails/600/300/wp-content/uploads/2024/08/zc1WJpfgUt.jpg)