Биэрэпис олунньуттан саҕаланар

Быйыл ыытыллыахтаах Бүтүн Арассыыйатааҕы биэрэпис эһиилгигэ көспүтэ. Биэрэпис тэйиччи олорон кыттыы ньыматынан 2021 сыл олунньу 1 күнүттэн саҕаланыаҕа диэн Сахастат иһитиннэрдэ.

Ааспыт биэрэпис көрдөрөрүнэн, 2002 сыллааҕы көрдөрүүттэн Саха сирин олохтооҕо 9,2 тыһыынча киһинэн элбээбит этэ. Уһук Илин регионугар Саха сирэ, 2002 сыллаах көрдөрүүтэ түспэтэх, соҕотох регион буолар.

Бүтүн Арассыыйатааҕы нэһилиэнньэ биэрэпиһэ 2021 сыл муус устар 1-30 күннэригэр цифровой технологиялар көмөлөрүнэн ыытыллыаҕа. Бу буолар биэрэпискэ онлайн кыттыахха сөп — судаарыстыбаннай өҥөлөр порталларыгар барытын бэйэбит толорор кыахтанныбыт.

Росстат үлэһиттэрэ олорор дьиэлэргэ сылдьалларыгар анал бырагыраамалаах планшетка бэлиэтиэхтэрэ. Маны таһынан, биэрэпис учаастактарыгар, судаарыстыбаннай уонна муниципальнай өҥөнү оҥорор кииннэргэ тиийэн эмиэ биэрэпискэ кыттыахха сөп буолуоҕа.