18.10.2021 | 16:07

Биэрэпиһи куттала суох ыытыы саҥа быһаарыылара

Биэрэпиһи куттала суох ыытыы саҥа быһаарыылара
Ааптар: Киин Куорат

РФ Бырабыыталыстыбатын Бүтүн Арассыыйатааҕы нэһилиэнньэ биэрэпиһин ыытыы боппуруостарыгар хамыыһыйатын уочараттаах мунньаҕар дойду олохтоохторугар биэрэпис куттала суох ааһыахтааҕын, биэрэписчиктэри уонна волонтердары тус харыстыыр сириэстибэлэринэн хааччыйыы, Судаарыстыбаннай өҥөлөр порталлара бэлэмин туһунан дьүүллэстилэр.   Бу туһунан Бүтүн Арассыыйатааҕы нэһилиэнньэ биэрэпиһин сайта иһитиннэрэр.
Хамыыһыйа бэрэссэдээтэлэ, РФ Бырабыыталыстыбатын бэрэссэдээтэлин бастакы солбуйааччы Андрей Белоусов биэрэпис бары кыттааччыларыгар уонна персоналыгар куттал суоһаабатын хааччыйар соругу туруорда. Биэрэписчиктэр Роспотребнадзор хонтуруолунан тиһиктээхтик COVID-19 тиэстээһинин ааһыахтара, тус харыстыыр сириэстибэлэринэн хааччыллыахтара уонна Сбербаантан уонна ВТБ-тан коронавируһунан ыалдьар түбэлтэлэригэр төлөнөр страховкалыыр полистары ылыахтара. 
Биэрэписчиктэри таларга  иммунитеттаах – ыалдьа сылдьыбыт эбэтэр коронавирустан быһыыны ылбыт дьону үлэҕэ ыла сатаабыттар. 
Белоусов биэрэпис персоналын кытта сэрэтэр уонна информационнай үлэни ыытар улахан суолталааҕын бэлиэтээбит. Хас биирдии биэрэписчит бэйэтин уонна тулалыыр дьону харыстыыр үөрэҕи ааһар. Холобур, респондент тумуулаабыт буоллаҕына биэрэписчик почта дьааһыгар интэриниэтинэн биэрэпиһи хайдах ааһыахха сөбүн туһунан листовканы хаалларар. 
«Ковиды утары өйдөбүнньүктэри уонна хас биирдии түбэлтэ сценарийын саҥардан биэрдибит, биэрэписчиктэргэ тириэртибит», – диэн иһитиннэрдэ Росстат баһылыга Павел Малков. 
Андрей Белоусов Судаарыстыбаннай өҥөлөр порталларын нөҥүө ыытыллар электроннай биэрэпис куттала суох буоларын быһыытынан дьоһун суолталааҕын бэлиэтээтэ уонна портал тиһиктээх үлэтин хааччыйарга сорудахтаата. 
Билигин 88 мөлүйүөн Арассыыйа олохтооҕо тус кэбиниэттээхтэр уонна  Судаарыстыбаннай өҥөлөр порталларыгар учуоттаах суруттарыылаахтар. Балаҕан ыйыгар ыытыллыбыт тиэстээһин түмүгүнэн, портал нөҥүө Росстат биир сууккаҕа 2 мөл. тахса электроннай анкетаны ылар кыахтаах. 
Бүтүн Арассыыйатааҕы нэһилиэнньэ биэрэпиһин сүрүн түһүмэҕэ  алтынньы 15 күнүттэн сэтинньи 14 күнүгэр диэри ыытыллар. Быйылгы биэрэпис булкаас көрүҥүнэн барар – дьиэҕэ кэлбит биэрэписчиккэ, судаарыстыбаннай өҥөлөр порталларыгар киирэн, МФЦ-га эбэтэр биэрэпис учаастактарыгар тиийэн суруйтарыахха сөп.

Сонуннар

Ордук ааҕаллар

Оҕуруот аһын олордооччуларга саҥа субсидия көрүллүөҕэ
Сонуннар | 18.05.2022 | 15:00
Оҕуруот аһын олордооччуларга саҥа субсидия көрүллүөҕэ
«Развитие овощеводства и картофелеводства» саҥа федеральнай бырайыак чэрчитинэн субсидия бэриллэр буолуоҕа. Манан дьоҕус уонна орто предпринимателлэр, маны сэргэ, “самозанятайдар” уонна кэтэх хаһаайыстыбалаах дьон эмиэ туһаныахтарын сөп. Ол курдук, судаарыстыба хортуоппуйу уонна да атын оҕуруот аһын олордуунан дьарыктанар оҥорон таһаарааччылары өйүүр миэрэлэри кэҥэтиэҕэ. Бу туһунан уураахха Арассыыйа бырабыыталыстыбатын бэрэссэдээтэлэ Михаил Мишустин...
Ньургуһуну эмкэ туһаныы
Сынньалаңңа | 12.05.2022 | 12:30
Ньургуһуну эмкэ туһаныы
Тоҥ буору тобулан тахсар хорсун сибэкки ньургуһун барахсан олоххо тардыһыытынан, кэрэ көстүүтүнэн эрэ буолбакка, араас ыарыыны эмтиир кыахтааҕынан өбүгэ саҕаттан аатырар. Аныгы үйэ киһитэ ньургуһунан хайдах эмтэниэн сөбүй? Бу туһунан айылҕаттан айдарыылаах норуот эмчититтэн туоһуластыбыт. Юлия Юрьевна Николаева – норуот эмчитэ, “Арчы дьиэтин” иһинэн үлэлиир өбүгэ үгэһин, сиэрин-туомун дьоҥҥо тарҕатар,...
Тааттаҕа музей тэриллиитэ
Куорат олоҕо | 14.05.2022 | 15:00
Тааттаҕа музей тэриллиитэ
Кэлэр сэрэдэҕэ, ыам ыйын 18 күнүгэр, аан дойдуга Музей күнэ бэлиэтэнэр. Быйыл Таатта улууһугар кыраайы үөрэтэр музей тэриллибитэ 77 сыла.   Музей тэриллиитэ норуодунай худуоһунньук И.В. Попов аатын кытта ыкса ситимнээх. Дэгиттэр дьоҕурдаах, хас да экспедицияҕа сылдьыбыт (бастакы Сибиряковскай экспедиция 1894-96 сс.), баай матырыйаалы муспут буолан да буолуо, 1938 с. саҕалаан...
Похуоттуу бардыбыт!
Сынньалаңңа | 14.05.2022 | 15:33
Похуоттуу бардыбыт!
Бу күннэргэ дьиэ кэргэнинэн, кылааһынан похуоттар саҕаланыахтара. Үчүгэй сынньалаҥы көрдөөх бырагыраама киэргэтэр. Сөбүлэһэҕит? Оччоҕуна “Киин куорат” бэлэмнээбит оонньууларын сэргээҥ, сэҥээриҥ!    Хамсаныылаах оонньуулар «Светофор» Хонууга эбэтэр балаһааккаҕа оонньонор. Онно икки уһун сурааһыны тардаҕыт. Бастакы сурааһын кэннигэр кыттааччылар оонньуу саҕаланыытыгар тураллар. Оттон иккис сурааһыҥҥа диэри ыытааччыттан (эккирэтэр киһи) куотан тиийиэхтээхтэр. Бастаан ыытааччыны...