18.03.2021 | 16:32

Биһиги кэммит суруйааччыларыттан ыйыт

Биһиги кэммит суруйааччыларыттан ыйыт
Ааптар: Киин Куорат

Ураты күрэххэ кыттыҥ!

РФ Бэрэсидьиэнин гранын пуондатын өйөбүлүнэн, “Арктика драматургтарын оскуолата” медиапроект биллэрбит «УЗНАЙ ОБ АРКТИКЕ: ЗАДАЙ ВОПРОС АВТОРУ!» күрэх кулун тутар 25 күнүгэр диэри ыытыллар.

Күрэххэ кыттыан баҕалаахтар маннык суруйааччылар айымньыларын ааҕаҕыт: Владимир Фёдоров, Андрей Геласимов, Семён Ермолаев, Иван Иннокентьев, Владислав Лёвочкин, Ираида Попова, Надежда Ильина, Утум Захаров. Кинилэр Дьокуускайга драматургияҕа маастар-кылаастары биэриэхтэрэ.

Ааптардар пьесаларыттан быһа тардыылары https://yakutdramaschool.ru сайтка ааҕыҥ. Куонкурус балаһыанньата сиһилии эмиэ бу сайтка баар.

Арктика драматургтарын оскуолата аныгы кэм чаҕылхай прозаига уонна драматура, Арассыыйа Улахан литературнай бириэмийэтин лауреата  Баһылай Харысхал кэриэһигэр ананар. Кини бэйэтин кэнниттэн үгүс утумнааччыны хаалларбыта. Василий Егорович уонна кини иннинэ бу эйгэҕэ айбыт-туппут дьон өҥөтүнэн, Арассыыйа хотугулуу-илиҥҥи өттүгэр литератураҕа тирэҕирэр театральнай искусство уонна киинэ сайынна. Бастыҥ ыйытыы ааптардара маастар-кылаастары устууга кыттыахтара, дипломнарынан уонна драматург илии баттааһыннаах бирииһинэн, “Россия – моя история” музей комплексыгар 2021 сыл устата босхо сылдьар икки киһиэхэ сертификатынан, Бүтүн Арассыыйатааҕы музейдар “Белые ночи” бырааһынньыктарыгар ыҥырыынан наҕараадаланыахтара.

Драматургтар оскуолаларын маастар-кылаастара театральнай ааҕыылары кытта ханыылаһыахтара. Манна Санкт-Петербург режиссера Ксения Никитина туруорууларыгар театр артыыстара кыттыахтара.

Драматургтар оскуолалара медиаформакка киириитэ регион таһыттан тахсар кыаҕы биэрэр. Бириэмэтиттэн, ырааҕыттан-чугаһыттан тутулуга суох интерактивнай ситимҥэ холбоһуохпут.

Оскуола үлэтин түмүгэр ураты видеоконтент, сэдэх матырыйааллар федеральнай порталларга тахсыахтара, аан дойду хайа баҕарар муннугуттан ааҕарга табыгастаах буолуохтара.  

Сонуннар

Ордук ааҕаллар

Николай Винокуров:  «Дойдубар этэҥҥэ эргиллэн кэллим...»
Дьон | 19.11.2022 | 18:00
Николай Винокуров: «Дойдубар этэҥҥэ эргиллэн кэллим...»
«Боотур» этэрээт байыастарын ортотугар биһиги биир дойдулаахпыт Алаһыай нэһилиэгиттэн төрүттээх Николай Винокуров баарын истэн, кэпсэтиэхпин баҕардым. Ол эрэн сэһэргэһиибин хайдах-туох саҕалыахпын тобуларбар олус ыарахан этэ. Бу үлэ, үөрэх, сайдыы, тэрээһин туһунан суруйуу, кэпсэтии буолбатах... Бу — олох, дьылҕа, тыын былдьаһыы, өлүү-сүтүү, инники олох иһин охсуһуу туһунан сэһэргэһии. Николай тута хоруйдаабытыгар...
Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Элэгэнтэй Адамов:  «Сиэрдээх өй-санаа төрүт дьарыкка эрэ баар»
Дьон | 20.11.2022 | 11:00
Элэгэнтэй Адамов: «Сиэрдээх өй-санаа төрүт дьарыкка эрэ баар»
Бүгүҥҥү нүөмэргэ Чурапчы улууһун Чакыр нэһилиэгин олохтооҕо Элэгэнтэй Адамовы кытта тыа сирин олоҕун, итэҕэл, уус идэтин, сайдыы, норуот дьылҕатын, кэскилин туһунан сэһэргэстибит. Дьоҕурдаах киһи анаарыыта киэҥэ, этэр тыла оруннааҕа сөхтөрдө.