15.10.2020 | 11:31

Бэйэ изоляциятын уонна тастан үлэ бэрээдэгин быһаардылар

Бэйэ изоляциятын уонна тастан үлэ бэрээдэгин быһаардылар
Ааптар: Киин Куорат

Коронавирус тарҕаныытын уодьуганныыр өрөспүүбүлүкэтээҕи Суһал штаб булгуччулаах бэйэ изоляциятын (самоизоляция) уонна ОРВИ кэмигэр тастан үлэ (удаленнай) бэрээдэгин быһаарда. Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһитиннэрэр.

Ыалдьыы бастакы сибикилэрэ: температура тахсыыта, эт, уҥуох, былчыҥ дьаралыйыыта, төбө, күөмэй ыарыыта, амтаны, сыты билбэт буолуу билиннэҕинэ, хайаан да учаскуобай бырааһы ыҥырар наада. Бырааһы олорор сиргинэн балыыһаҕа эрийэн, эбэтэр, «Облачнай поликлиника», «МедСеть» сыһыарыылар нөҥүө ыҥырыахха сөп.

Быстах кэмҥэ үлэттэн босхолонуу докумуона ыарыһах эрэ аатыгар оҥоһуллар. Ыалдьыбыт киһини кытта олорор дьиэ кэргэн чилиэттэрэ ыарыһах анаалыһын түмүгэ биллиэр диэри бэйэ изоляциятыгар бараллар. Бу дьон үлэлиир тэрилтэлэрин салайааччытыгар ОРВИ-нан ыалдьыбыт киһини кытта алтыспыттарын, самоизоляцияҕа барбыттарын туһунан иһитиннэриэхтээхтэр.

Иһитиннэрии киирбит күнүттэн, тэрилтэ салайааччыта үлэһитин тастан үлэ көрүҥэр көһөрөр эбээһинэстээх. Көһөрүү табыллыбат түгэнигэр, сыллааҕы төлөнөр уоппускаҕа эбэтэр үлэ сокуонугар олоҕуран, икки өттүттэн сөбүлэҥ быһыытынан, төлөммөт уоппускаҕа ыытыахтаах.

Коронавирус анаалыһа бигэргэнэр түгэнигэр, дьиэ кэргэн изоляцията бүтэһик алтыспыт күннэриттэн саҕалаан эбии 14 күн уһатыллар. Коронавирустаабыт киһини кытта алтыспыт дьон быстах кэмҥэ үлэттэн босхолонуу докумуонун (больничный лист) Роспотребнадзор изоляцияҕа барыы туһунан уурааҕа тахсыбыт күнүттэн бэриллэр.

COVID-19 бигэргэммэтэх, ол гынан баран ОРВИ-лаабыт буоллаҕына, дьиэ кэргэн бары чилиэттэригэр самоизоляция эрэһиимэ тохтотуллар.

Ыарыһах дьиэ кэргэнин чилиэнэ үлэҕэ тахсарыгар, тэрилтэтин салайааччытыгар быстах кэмҥэ үлэттэн босхолонуу докумуонун, эбэтэр устудьуон, үөрэнээччи, уһуйаан иитиллээччитэ ыалдьыбытын туһунан ыспыраапканы көрдөрөр.

Сонуннар

Ордук ааҕаллар

Саха снайпера Пантелеймон Руфов
Дьон | 11.07.2021 | 11:30
Саха снайпера Пантелеймон Руфов
Пантелеймон Руфов Үөһээ Бүлүүттэн төрүттээх, Руфовтар иллээх  дьиэ кэргэттэригэр төрдүс уол оҕонон төрөөбүт. Кини билигин Рязань куоракка аармыйа генерала Василий Филиппович Маргелов аатынан воздушно-десантнай гвардейскай училищены бүтэрэн кэллэ. Бу саха оҕотугар олус сэдэх көстүү буоларынан сибээстээн эһиэхэ Пантелеймоннуун кэпсэтиибин таһаарабын. - Биэс сыллаах үөрэҕи бүтэрдим. Манна офицердар, спецназтар иитиллэн үөрэнэн...
Баһылык итирдэр утахтары атыылыыр быраабылаларга сыһыаннаах этии киллэрдэ
Сонуннар | 15.07.2021 | 13:00
Баһылык итирдэр утахтары атыылыыр быраабылаларга сыһыаннаах этии киллэрдэ
Куорат баһылыга Евгений Григорьев уопсастыбаннай аһыыр сирдэри кэҥэтэр уонна арыгы атыылыыр сирдэри социальнай эбийиэктэртэн тэйитэр туһунан этии киллэрдэ. Ол туһунан кини «Сахамедиа» медиа-кииҥҥэ ыытыллыбыт «Дополнительные ограничения времени, условий и мест розничной продажи алкоголя в Якутии» дискуссияҕа эттэ.  Баһылык ВОЗ дааннайдарынан арыгыттан сылтаан өлүү Арассыыйа 100 тыһыынча олохтооҕор ылан көрдөххө эр...
Дойдууна: «Сулус — халлааҥҥа, киһи — сиргэ»
Дьон | 17.07.2021 | 13:00
Дойдууна: «Сулус — халлааҥҥа, киһи — сиргэ»
Кинини  айылҕаттан ураты экстрасенс, сүппүт дьону булааччы быһыытынан сахалар эрэ буолбакка, өрөспүүбүлүкэ тас өттүгэр олорооччулар эмиэ билэллэр. Бүгүҥҥү кэпсиир дьоруойум “Саха сирин экстрасенстара – 2015” күрэххэ “Лучший экстрасенс Якутии” ааты сүкпүт ДОЙДУУНА. Дойдууна элбэх оҕолоох ыалга төрөөбүтэ, кинилэр бииргэ төрөөбүт тохсуолар. Хаҥалас улууһа киинэ түспүт, сиргэ үктэммит дойдута буолар. Ийэтэ...
Бары күүһү ойуур баһаардарын утары!
Сонуннар | 12.07.2021 | 11:30
Бары күүһү ойуур баһаардарын утары!
От ыйын 9 күнүгэр "Марха өрүс көмүскээччилэрин" түмсүүтэ Дьокуускай куорат общественниктарын, Ил Түмэн дьокутааттарын, СӨ бырабыыталыстыбатын, Дьокуускайдааҕы Дума, Общественнай Палата чилиэннэрин, суруналыыстары, блогердары, улуустар землячестволарын көҕүлээччилэрин, улуустар бэрэстэбиитэллэрин, бары тэрилтэ үлэһиттэрин кытта көрсөн Горнай, Ханалас уонна да атын улуустарга улахан ойуур баһаардара турбуттарынан, Бүлүү федеральнай суол кылгас кэмҥэ сабылла сылдьыбытынан...