30.03.2022 | 16:00

Бэтэрээннэр спартакиадалара саҕаланна

Бэтэрээннэр спартакиадалара саҕаланна
Ааптар: Киин Куорат
Бөлөххө киир

Кулун тутар 28 күнүгэр киин куорат бэтэрээннэрин VIII спартакиадаларын чэрчитинэн  Сайсары күөлгэ хайыһарга 1 км уонна 2 км дистанцияҕа эстафета ыытылынна. Күрэхтэһии Саха АССР төрүттэммитэ 100 сылыгар, Дьокуускай куорат 390 сылыгар уонна Саха Өрөспүүбүлүкэтигэр биллэриллибит ийэ Сылыгар ананна. Бу туһунан Олохтоох дьаһалта пресс-сулууспата иһитиннэрдэ.
Эстафетаҕа киин куорат 5 уокуругуттан, ону кытта Хатастан уонна Мархаттан уопсайа 7 хамаанда кытынна. Хамаандалар састааптарыгар 55 саастарыттан үөһэ дьахталлар уонна 60 саастарыттан үөһэ эр дьон бааллар. Күрэхтэһии саамай аҕа саастаах кыттааччыта – үлэ бэтэрээнэ Степан Абрамов, быйыл кини 85 сааһын туолар. 
Спартакиада үөрүүлээх аһыллыытыгар спортсменнары Дьокуускай куорат социальнай харалтаҕа Управлениетын салайааччыта Семен Матвеев эҕэрдэлээтэ. 
«Спортивнай тэрээһиннэри бэтэрээннэрбит коронавирус хааччахтарын икки сылын тухары кэтэстигит. Ол иһин спартакиадаҕытыгар дьиҥнээх олимпиадаҕа курдук бэлэмнэннигит», - диэтэ Семен Матвеев уонна ситиһиилэри баҕарда.
Хайыһар күрэҕэ спартакиадаҕа бастакы төгүлүн бэтэрээннэр бэйэлэрин көҕүлээһиннэринэн киирдэ. Күрэхтэһии тэрийээччилэрэ – Дьокуускай куорат социальнай харалтаҕа уонна үлэҕэ Управлениета, куорат бэтэрээннэрин Сэбиэтэ уонна  «Бэтэрээн» кулууп. 
Спартакиада спорт 9 көрүҥүнэн  муус устар 22 күнүгэр диэри ыытыллыаҕа. Кыттааччылар волейболга, бильярдка, остуол тенниһигэр, буулдьанан ытыыга, саахымакка, дуобакка, хабылыкка уонна хаамыскаҕа күрэхтэһиэхтэрэ.
Куорат спартакиадатын сүрүн сыала – физическэй култуураны уонна спорду  пропагандалааһын, бэтэрээннэр доруобуйаларын бөҕөргөтүү, кинилэргэ физическэй култууранан дьарыктанар усулуобуйаны тэрийии, бастыҥ бэтэрээн спортсмены булуу.

Сонуннар

Ордук ааҕаллар

Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...
Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Элбэх оҕолоохторго — ураты болҕомто
Сонуннар | 06.06.2024 | 16:00
Элбэх оҕолоохторго — ураты болҕомто
2024 сыл ыам ыйын 28 күнүгэр ыытыллыбыт Ил Түмэн сэттис (уочараты таһынан) пленарнай мунньаҕар норуот дьокутааттара «Саха Өрөспүүбүлүкэтигэр элбэх оҕолоох ыал статуһун туһунан» өрөспүүбүлүкэ сокуонугар уларытыылары киллэриини өйөөтүлэр.   Санатан эттэххэ, дойду баһылыга Владимир Путин 2024 сыл тохсунньу ыйыгар элбэх оҕолоох дьиэ кэргэттэр статустарын болдьоҕо суох оҥорбута. Ол эбэтэр үс уонна...