27.05.2021 | 10:53

Бэс ыйыгар маассабай спортивнай күрэхтэр ыытыллыбаттар

Бэс ыйыгар маассабай спортивнай күрэхтэр ыытыллыбаттар
Ааптар: Киин Куорат

Бэс ыйыгар өрөспүүбүлүкэ үрдүнэн маассабай физкультурнай тэрээһиннэр тохтууллар. Ол туһунан Саха сирин физическэй култуураҕа уонна спорка миниистирин солбуйааччы Александр Бугаев ыам ыйын 26 күнүнээҕи бирикээһигэр этиллэр. 
Биир кэлим халандаарынай былааҥҥа киирбит сорох спортивнай тэрээһиннэр буолаллар, ол эрээри көрөөччүтэ суох. 
Бэс ыйыгар былааҥҥа киирбит тэрээһиннэр манныктар:
Чэпчэки атлетика
Бэс ыйын 20 күнэ – Дьокуускайдааҕы полумарафон 2021 (онлайн сүүрүү), Дьокуускай куорат
Бэс ыйын 26 күнэ – «Зеленый марафон» Бүтүн Арассыыйатааҕы аахсыйа (онлайн сүүрүү), Дьокуускай куорат.
Футбол
Бэс ыйын 20 күнэ – Уһук Илин үүнэр көлүөнэҕэ лигата (16 саастарыгар диэри уолаттарга Уһук Илин бастыыр иһин күрэхтэһиитэ). Дьокуускай куорат, «Туймаада» стадион.
Саахымат
Бэс ыйын 18-23 күннэрэ – Арассыыйа ыччатын V сайыҥҥы Спартакиадатын II түһүмэҕэ, Дьокуускай куорат, «Триумф» киин.
Ох саанан ытыыга саха национальнай күрэҕэ
Бэс ыйын 5-6 күннэрэ – Саха сирин биллиилээх судаарыстыбаннай уонна политическай деятелэ Илья Егорович Винокуров төрөөбүтэ 125 сылыгар анаммыт ох саанан ытыыга СӨ чемпионата уонна бастыыр иһин күрэхтэһиитэ, Нам улууһун Нам сэлиэнньэтэ. 
Ыстаҥа
Бэс ыйын 5-6 күннэрэ – В.В. Николаев кэриэһигэр ыстаҥаҕа СӨ чемпионата, Дьокуускай куорат.
«Спортивнай күрэхтэри тэрийиигэ уонна ыытыыга көрөөччүлэри киллэриллибэт, итини сэргэ эпидемияны утары бары санитарнай ирдэбиллэри тутуһарга», — диэн бирикээскэ суруллубут. 
Саха сирин муниципальнай тэриллиилэрин баһылыктарыгар бэс ыйыгар физкультурнай уонна спортивнай тэрээһиннэри ыыппаттарыгар сүбэлээтилэр.

Сонуннар

Ордук ааҕаллар

Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Юрий Попов: «Барыта улахан үлэттэн тахсар»
Дьон | 25.11.2022 | 16:00
Юрий Попов: «Барыта улахан үлэттэн тахсар»
Дьокуускайга Тупсарыы үс сыла биллэриллэн, бу диэн эттэххэ, киин куоракка, чахчы, үтүмэн үлэ ыытылынна, ону олохтоохтор даҕаны бэйэҕит көрө-истэ сылдьаҕыт.  Быйыл сайын «Уһук Илиҥҥэ 1000 тиэргэн» федеральнай бырайыагынан Дьокуускай куоракка 75 тиэргэн тупсаран оҥоһулунна. Саамай элбэх эбийиэккэ бэдэрээтчитинэн «Основа» ХЭТ үлэлээтэ. Онон бүгүҥҥү нүөмэрбитигэр бу тэрилтэ эдэр салайааччыта Юрий Поповы...
Ийэ айманар сүрэҕин туох уоскутуой...
Сытыы муннук | 01.12.2022 | 12:03
Ийэ айманар сүрэҕин туох уоскутуой...
Билиҥҥи балаһыанньаҕа, билиҥҥи судургута суох кэмҥэ оҕотун байыаннай дьайыыга атаарбыт ийэлэрдиин кэпсэтэртэн ордук ыарахан суох. Кинилэр куоластара титириирэ, харахтарын уутун кистээн туора соттоллоро, оҕолорун тустарыгар күүстээх, тулуурдаах буола сатыыллара киһини өссө уйадытар, уоскутар тылы булбакка мух-мах бараҕын. Бу сырыыга оҕолорун атаарбыт, кэтэһэр, эрэнэр икки ийэни кытта харах уулаах кэпсэтиибин ааҕааччыларбар...