15.06.2022 | 13:28

Бэс ыйыгар киирбит уларыйыылар

Бэс ыйыгар киирбит уларыйыылар
Ааптар: Розалия ТОМСКАЯ
Бөлөххө киир

Үгэс быһыытынан, саҥа ый уларыйыыларын таһаарабыт.

 

1. Оҕолору эмтээһиҥҥэ

15-тэн үөһэ саастаах оҕону эмтииргэ быраастар киниэхэ тугу тутталларын, ханнык эми туохха биэрэллэрин быһаарар эбээһинэстэннилэр. 15 сааһын туола илик оҕо эмтэниитин туһунан сиһилии төрөппүттэригэр кэпсиэхтээхтэр. Маныаха эбии бу эмп хайдах дьайарын, туох буолуон сөбүн барытын толору быһааран биэриэхтээхтэр.

 

2. Бириистэптэрэ суох

Сорох исполнительнай производство быһаарыыларын, бириистэп  баар буоларын ирдээбэт түгэннэригэр, кинитэ суох ылынар буолуохтара. Производствоны түмүктээһин, иэстээхтэн хааччахтары уһулуу, арест устуу о.д.а.

 

3. Биэнсийэ уонна МРОТ үрдээтэ

Олох таһымын алын кээмэйэ, үлэ төлөбүрүн алын кээмэйэ уонна үлэлээбэт дьон биэнсийэтэ 10 бырыһыан үрдээтэ.

 4. “Ыалдьааччыларга”

Бэс ыйын 1-кы күнүттэн Арассыыйаҕа спорт көрүҥнэригэр ыалдьааччылары идентификациялыыр систиэмэ киирэр. Систиэмэ оператордаах, оттон «ыалдьааччылар» күрэхтэһиилэргэ сылдьар карточкалаах буолаллар.

 

5. Валюта

Ыам ыйын 20 күнүттэн бааннар ханнык баҕарар тас дойду валютатын, дуоллартан уонна евроттан уратылары, атыылыыр кыахтаннылар.

 

6. Тас дойдуга харчыны ыытыы

Арассыыйа резиденнэрэ атын дойдуга эбэтэр тас дойду гражданнара Арассыыйаттан кыраныысса таһыгар 50000 дуолларга тиийэ ыытыахтарын сөп буолла.

 

7. Суоппар быраабынан

Бэс ыйын 29 күнүгэр суоппар быраабынан пааспар курдук туһанары киллэрэр сокуон олоххо киириэҕэ. Бу олоҕу судургутутар миэрэ быһыытынан ылыллар.

 

8. Хантараагынан сулууспа

Арассыыйа сэбилэниилээх күүстэригэр бастакы хантараагын түһэрсэр киһиэхэ сааһынан хааччахтарын уһуллулар. Бу иннинэ сулууспаҕа барарга бастакы хантараагын түһэрсэр киһи 40-гар диэри, атын судаарыстыба олохтооҕо 30-гар диэри саастаах буолуохтааҕа.

 

9. Публичнай былаас

Регионнарга бэс ыйын 1 күнүттэн дьокутааттар уонна баһылыктар үлэлиир болдьохторо уларыйда -  5 сыл буолла. Регион баһылыгын үлэлиир болдьоҕун субьектар бэйэлэрэ быһаарар буолуохтара.

 

10. Сөмөлүөккэ

Бэрээдэги кэһэр айанньыттары уоскутарга, тутарга экипаж чилиэннэрэ пластик наручниктары уонна нейлон курдары туттар кыахтаннылар.

 

11. Валютнай бэрэбиэркэлэргэ мораторий

Нолуогабай уорганнар валютнай сокуону тутуһууга бэрэбиэркэни биир сылга тохтотуохтара. Мораторий ыам ыйын 31 күнүттэн киирдэ. Ол эрэн 2022 сыл ахсынньы 31 күнүгэр диэри оҥоһуллубут кэһиилэргэ мораторий үлэлээбэт.

 

12. Сааны атыылаһыы

Сааны атыылаһар көҥүлү ылар дьон ахсаана биллэ аҕыйыаҕа. Урут сууттана сылдьыбыт, сааҕа сыһыаннаах сокуону кэһиилээх, иккитэ сууттана сылдьыбыт дьоҥҥо, эсктремистэргэ, террористарга саа атыылаһар бобулунна.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.