23.03.2022 | 13:00

Бэрэсидьиэн Ил Дарханы Доҕордоһуу уордьанынан наҕараадалаата

Бэрэсидьиэн Ил Дарханы Доҕордоһуу уордьанынан наҕараадалаата
Ааптар: Киин Куорат
Бөлөххө киир

Дойдубут Бэрэсидьиэнэ Владимир Путин Саха Өрөспүбүүлүкэтин Ил Дарханын Айсен Николаевы Доҕордоһуу уордьанынан наҕараадалыыр туһунан Ыйаахха илии баттаата. 
«Саха Өрөспүбүүлүкэтин социальнай-экономическай сайдыытыгар сүдү кылаатын иһин Айсен Сергеевич Николаевы Доҕордоһуу уордьанынан наҕаарадаалыырга», - диэн Ыйаахха суруллубут.
Айсен Сергеевич Владимир Владимировичка үрдүк наҕараадатын иһин махталын биллэрдэ: «Дойдубут Бэрэсидьиэнигэр үлэбин үрдүктүк сыаналаабытын иһин махтанабын. Төрөөбүт Сахам сирэ уонна бүтүн Арассыыйа чэчирии сайдалларын туһугар үлэм мэлдьи инники күөҥҥэ буолуоҕа» - диир Ил Дархан. 


Айсен Сергеевич Николаев 1972 сыллаахха Ленинград куоракка күн сирин көрбүтэ. М.В. Ломоносов аатынан Москватааҕы судаарыстыбаннай университет физическэй факультетын бүтэрбитэ уонна Арассыыйа Федерациятын Бырабыыталыстыбатын иһинэн Норуодунай хаһаайыстыба Академиятыгар бэлэмнэнии куурустарын ааспыта. 1998 сыллаахха диэри "Алмазэргиэнбанк" кэмиэрчэскэй бырабылыанньатын бэрэссэдээтэлин солбуйааччытынан, онтон 2004 сыллаахха диэри Ил Түмэн СӨ Судаарыстыбаннай мунньаҕын II-с уонна III-с ыҥырыытын дьокутаатынан, 2007 с. диэри Саха сирин Үбүн миниистиринэн үлэлээбитэ. 2011 сыллаахха ыам ыйыгар өрөспүүбүлүкэ бырабыыталыстыбатын бэрэссэдээтэлин солбуйааччытынан талыллыбыта. Манна кини АПК, туризм уонна предпринимательство, айылҕа, наука уонна инновация харыстабылын боппуруостарынан дьарыктанар этэ.
2012-2018 сылларга – Дьокуускай куорат баһылыга. Арассыыйа Федерациятын Бэрэсидьиэнин Ыйааҕынан СӨ Ил Дарханын эбээһинэһин толорооччунан буолбута.
2018 с. балаҕан ыйын 9 күнүгэр Айсен Николаевка Саха Өрөспүүбүлүкэтин Ил Дарханын дуоһунаһа сүктэриллибитэ. «Биир ньыгыл Арассыыйа» баартыйа Саха сиригэр регионнааҕы салаатын президиумун чилиэнэ, сэкэрэтээрэ. Өрөспүүбүлүкэ норуодунай хаһаайыстыбатын Үтүөлээх үлэһитэ.

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.