08.04.2022 | 19:00

Бэрдьигэстээххэ спорт федеральнай таһымҥа дьүүллэһилиннэ

Ааптар: Баһылай Посельскай
Бөлөххө киир

Ил Түмэн көһө сылдьар парламентскай чааһа Горнай улууһун Бэрдьигэстээҕэр үлэлээтэ. Сүбэ мунньаҕы ыччат дьыалаларыгар, физическэй култуураҕа уонна спорка сис кэмитиэтин бэрэссэдээтэлэ Михаил Гуляев көҕүлээн ыытта.

Сүбэ мунньах улууска физкультураны уонна спорду сайыннарыы боппуруостарын олоххо киллэриини бэрэбиэркэлээтэ. Парламентскай истиигэ РФ Судаарыстыбаннай дууматын дьокутаата Галина Данчикова кыттыыны ылла. Онон Горнай улууһун эрэ буолбакка, Саха сирин физкультурата уонна спорда федеральнай таһымҥа көрүлүннэ диэххэ сөп. Ол курдук, Бэрдьигэстээххэ ыытыллыбыт баһырхай тутуулар уопуттарын сүнньүнэн Арассыыйа спорка министиэристибэтигэр тиийэ кэпсэтиилэр буолуохтара.

 

Бэлиэтээн эттэххэ, Бэрдьигэстээххэ Уһук Илиҥҥэ сэдэх оҥоһуулаах икки этээстээх ытар тиир уонна ону кэккэлэһэ үс этээстээх 50 миэстэлээх интэринээт дьиэлэрэ дьэндэйдилэр! Бу уопут өрөспүүбүлүкэ үрдүнэн тэнийэр, тарҕанар аналлаах. 2021 сыллаахха, “Саха сирин Олимпиадатынан” ааттанар Манчаары оонньууларын көрсө, Оонньуулары үрдүк таһымҥа тэрийэн, Бэрдьигэстээх дэриэбинэтэ дьиҥ куораттыы мөссүөннэммит. Дьокуускай куораттан баара-суоҕа 180 км эрэ усталаах айан суола олорчу асфальтанан, массыыналар улуус киинигэр балтараа-икки чааһынан тиийэллэр. Бөһүөлэк уулуссалара эмиэ асфальтаммыттар. Светофордар туруоруллубуттар. Олохтоохтор куоракка наадаларын күнүнэн ситэллэр. Таас тутуу бөҕө бара турар. Спорка аналлаах тутуулар, стадион, балаһааккалар бөһүөлэги киэргэтэллэр. Элбэх функциялаах спортивнай саала дьарыктанааччыларынан туолан, ньиргиччи үлэлии турар. Дьэ бу маннык бөһүөлэккэ нэһилиэнньэ ахсаана эбиллэн иһэрэ бэлиэтэнэр.

Аны сайын Бороҕоҥҥо буолар VIII-с Саха сирин норуоттарын спортивнай оонньууларыгар сүүмэрдиир өрөспүүбүлүкэ күрэхтэһиитин кэмигэр, муус устар 8 күнүгэр, ытар тиир үөрүүлээх быһыыга-майгыга аһылларга бэлэм. Буулдьанан уонна ох саанан ытыыга аналлаах 50 миэтэрэ усталаах, 18 миэтэрэ кэтиттээх тиир аныгылыы сөҕүмэр тутуута болҕомтону тардар, сөҕүүнү-махтайыыны үөскэтэр. Бу иннинэ Уһук Илиҥҥэ Хабаровскайга уонна Бурятияҕа улахан тиирдэр бааллара биллэр. Билигин Сахабыт сиригэр Бэрдьигэстээххэ баар буолла!

Онуоха эбии ытыынан уонна тустуунан дьарыктанар оҕолорго аналлаах 50 миэстэлээх, үс этээстээх таас интэринээт кэлэр үөрэх дьылыгар аһылларга толору бэлэм. Туох баар уута-хаара, уота-күөһэ, дизайнын өттүнэн киэргэтиллиитэ, спортоскуола иитиллээччилэрэ кэлэн олорор, үөрэнэр, дьарыктанар хосторо, саалалара, остолобуойдара бүүс-бүтүннүү оҕолору, үлэһиттэри көрсөргө бэлэмнэр.

Интэринээккэ Сахабыт сирин спорка дьоҕурдаах, бастыҥ  оҕолоро кэлэллэрэ күүтүллэр. Универсальнай ытар тиир биэс хаамыылаах сиргэ кэккэлэһэ турар. Дьарыктанар миэстэлэрэ барыта үрдүттэн – интэринээттэн комплекстара аҕыйах миэтэрэ.  “Тиир сарсыардаттан киэһээҥҥэ диэри аһаҕас, ким ди кинилэри мэһэйдээбэт, астына-дуоһуйа ытыынан дьарыктаныахтарын сөп, анал бэлэмнээх тренердэр эрчийэллэр”,- диэн Олимпийскай эрэллэр оҕо спортоскуолатын дириэктэрэ Роман Романович Пахомов үөрэ-көтө кэпсиир. Оҕунунан ытыыга Константин Тимофеевич Бурцев, буулдьанан ытыыга  Марк Алексеевич Никифоров, көҥүл тустууга Петр Андреевич Сивцев сүрүн тренердэринэн үлэлииллэр.

Өрөспүүбүлүкэни бүтүннүүтүн хабан, разрядтаах оҕолору ыла сатыыллар. Табыгастаах усулуобуйаҕа 5-10 кылаас оҕолоро кэлэн үрдүттэн олорон, үөрэнэн эрчиллиэхтэрэ. Үрдүк спортивнай көрдөрүүлэри ситиһиэхтээх оҕолор кэлиэхтээхтэр. Талааннаах оҕолор түмсэн дьарыктаналларыгар, сынньаналларыгар, үөрэнэллэригэр өрөспүүбүлүкэҕэ биир бастыҥ интэринээт. Бу түөлбэҕэ оскуолалаахтар чугастыы онно үөрэниэхтэрин сөп. Уонна Мытаах диэки барыыга саҥа үс этээстээх таас оскуола эмиэ тутулла турар, бу сыл бүтүүтэ киириэхтээх. Саҥа тутуулар оҕолор спорка ситиһиилэнэллэригэр ананаллар. Имбэнтээр, оборудование, саҥа охтор, саалар, установкалар аҕалыллыбыттар уонна өссө кэлиэхтээхтэр. Бу иннинээҕи спортоскуола комплекса, базата бүтүннүү тустуу отделениетыгар бэриллибит. Лаппа кэҥээһин буолбут. Дьэ, кырдьык, дьоллоох оҕолор дьарыктанар сирдэрэ! Үрдүк көрдөрүүлэри ситиһии оҕолортон бэйэлэриттэн уонна тренердэртэн тутулуктаах буолуоҕа. Бачча үчүгэй объектарга көрдөрүүлэр баар буолалларыгар спортоскуола уонна интэринээт үлэһиттэрэ бигэ санаалаахтар.

Сонуннар

Ордук ааҕаллар

Батыһыннара ыйар аналлаах Өлөөн буойуна — БатЫйа
Дьон | 10.07.2025 | 18:00
Батыһыннара ыйар аналлаах Өлөөн буойуна — БатЫйа
Батыйа позывнойдаах байыас билигин Украина Луганскай сиригэр Ийэ дойдубутун көмүскүү сылдьар. «Батыйа – батыһыннара ыйар, (указать направление)» диэн кини позывнойун суолтатын быһааран биэрбиттэрин, кырдьык да дии санаатым.  Кинини кытта дьиктитик кэпсэттибит. Тоҕо диэтэххэ кини олус уйан дууһалаах, кэрэни кэрэхсиир, айар үлэтин онно да сылдьан бырахпат – уруһуйдуур, уһанар, арааһы астыыр,...
Оҕуруот үлэтэ үчүгэй көрүүнү эрэйэр
Дьон | 04.07.2025 | 16:00
Оҕуруот үлэтэ үчүгэй көрүүнү эрэйэр
Кылгас сайыммыт барахсан сөрүүн тыалынан илгийэн, ардаҕынан балачча күндүлээн, бастакы ыйа ааһа оҕуста. Сайыҥҥы кэм тыа сирин, куорат да олохтооҕор оҕуруот, сибэкки үүннэриитин кытта ситимнээх.   Хаһыат бүгүҥҥү нүөмэригэр Дьокуускай куорат олохтооҕо, ХИФУ научнай-быыстапкалыыр комплексын инсектарийын сэбиэдиссэйэ Нюргуна Нюргуновна Килибееваттан оҕуруот көрүүтүгэр сүбэлэри ылыаҕыҥ: Баҕа санааттан саҕаламмыта Ис-испиттэн баҕаран туран 1990...
Былыргы чороон абылыыр күүһэ туохха сытарый?
Дьон | 04.07.2025 | 13:00
Былыргы чороон абылыыр күүһэ туохха сытарый?
Өбүгэ иһитин сөргүтүү үлэтэ утумнаахтык ыытыллар. Маныаха норуот маастардара улахан оруоллаахтар. Былыргы уустар ньымаларын хаҥатааччы уус Василий Лопатин бүгүн «Киин куорат» ааҕааччыларыгар  уус идэтигэр удьуордааһын, Ил Дархан Айсен Николаев үлэҕинэн оҥорбут чороонун туһунан кэпсиир, мас иһити харайыыга сүмэлээх сүбэтин үллэстэр.   – Үтүө күнүнэн, Василий Васильевич! Өбүгэттэн тардыллар ситим хас биирдиибит...
НВК Саха бырагыраамата от ыйын 7-13 күннэригэр
Сонуннар | 06.07.2025 | 10:00
НВК Саха бырагыраамата от ыйын 7-13 күннэригэр
Понедельник, 7 июля 6:00 Тиэргэн 12+ 6:30 Мы вам покажем 12+ 7:00 Новый день 6+ 8:00 Утро Якутии 6+ 9:00 Новый день 6+ 10:00 Утро Якутии 6+ 11:00 Тиэргэн 12+ 11:30 ПроАвто 12+ 12:00 "Якутия" информационная программа 12+ 12:15 Саха сатаабата суох 6+ 12:45 Асчыттар 6+ 13:30 "Саха Сирэ" информационнай...