28.06.2022 | 14:25

Бэлисипиэти уоруу элбээтэ

Бэлисипиэти уоруу элбээтэ
Ааптар: Киин Куорат
Бөлөххө киир

Бэлисипиэт сезона үгэннээн турар кэмигэр, буоларын курдук, бу көлөнү уоруу тахсара элбиир.

 Соторутааҕы СӨ ИДьМ “Дьокуускайдааҕы” муниципальнай управлениетын 2-ис нүөмэрдээх отделыгар эр киһи бэлисипиэтин уорбуттарын туһунан сайабылыанньа суруйбут. Кини атыы-эргиэн дьиэтин таһыгар көлөтүн хаалларбыт уонна маҕаһыыҥҥа киирбит кэмигэр сойботон ылбыттар.

Оперативниктар видеокамераларынан сонордоон, уоруйаҕы тута булбуттар. 39 саастаах эр киһи харытыттан тутуллубут. Оттон бэлисипиэт хаһаайына көлөтүн саатар сыапка хатаабатах эбит.

Уоруйах босхо турар бэлисипиэти сойботон баран икки бытыылка аһыы утахха атастаһан кэбиспит. Холуобунай кодекс 158 ыст. 2 ч. олоҕуран, буруйдаахха 5 сыл көҥүлүн күөмчүлээһин көрүллэр.

Полиция үлэһиттэрэ бэлисипиэт хаһаайыттарыгар сүбэлииллэр:

- Көлөҕүтүн мээнэ хаалларбат буола сатааҥ, оттон хаалларар түгэҥҥитигэр хайаан да видеокамера устар сиригэр уурар буолуҥ;

- Түүҥҥү кэмҥэ бэлисипиэти аһаҕас халлаан анныгар хаалларбакка, хатанар сиргэ уурар ордук;

 - Тростаах күлүүстэр эрэлэ суохтар. Уоруйахтар ону судургутук быһыта тутар инструменнаах буолаллар.

- Элбэхтик туттуллар саппаас чаастаргытын бэлиэтиир буолуҥ, бэлисипиэт техническэй пааспарын быраҕан кэбиһимэҥ, көлөҕүтүн хаартыскаҕа түһэриҥ – кэлин көрдүүргэ наада буолар;

- Докумуона суох эргэ бэлисипиэти атыыласпат ордук – уоруллубут буолан хаалыан сөп.

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Светлана Дьяконова: «Саҥаттан ыал буолан эрэр курдукпут...»
Дьон | 04.07.2024 | 16:00
Светлана Дьяконова: «Саҥаттан ыал буолан эрэр курдукпут...»
Быйылгы халаан Хатырык нэһилиэнньэлээх пуунун олох үөйбэтэх өттүттэн ылан, олохтоохтору ууга-уокка түһэрбитин ааһан, уйулҕаларыгар да охсуу ыллылар, күн бүгүн ол содулун туоратыыга күүскэ үлэлииллэр, кэлэн ааспыт иэдээни оһоруналлар.   Светлана Васильевна Дьяконова, Хатырык олохтооҕо, биэнсийэлээх, култуура эйгэтигэр 35 сыл үлэлээн, “Култуура туйгуна” бэлиэлээх үлэ бэтэрээнэ, бүгүн ааҕааччыларга халаан иэдээнин туһунан кэпсиир:...
Туймаада ыһыаҕын туһунан дьон санаата
Сонуннар | 04.07.2024 | 14:00
Туймаада ыһыаҕын туһунан дьон санаата
Туймаада ыһыаҕа ыһыллар Үс Хатыҥ сирэ-уота куорат кииниттэн төһө да ыраах турдар, норуот уустук айаны, араас мэһэйдэри аахсыбакка, бииргэ мустар үөрүүтүн билээри, алгыс баһын сыалаары, кэлэр сылга күүс эбинээри, быйыл номнуо үйэ чиэппэриттэн ордук саараабакка дьулуһар. Быйылгы ыһыах тэрээһинин туһунан норуот санаатын билсээри, ыйынньыктарынан сирдэтэн, түһүлгэлэринэн хаамтыбыт.   Бастатан туран, оптуобус....