Бэдэрээтчит итэҕэстэрин туоратар эбээһинэстээх

Дьокуускай куорат дьаһалтатын хамыыһыйата  өрөмүөннэммит суоллары күннэтэ кэтээн көрөр, бэрэбиэркэлиир.   «Главстрой» муниципальнай хааһына тэрилтэтэ иһитиннэрэринэн, былырыын оҥоһуллубут 20 уулуссаттан 14-гэр суол хайдыыта тахсыбыт, ону таһынан аспаал, бетон болотуната бытарыйбыт.

“Салгын температурата эмискэ уларыйарыттан суолларга туора хайдыылар тахсаллар”, – диэн быһаарда «Главстрой» тэрилтэ дириэктэрин солбуйааччы Афанасий Александров.

Бэдэрээтчиттэр гарантийнай эбээһинэстэринэн дьиэктэри суох гыныахтара. Үлэ күһүн уонна саас ардаҕа суох күннэргэ ыытыллар. Онон бэдэрээтчиттэр ыам ыйыгар, таһырдьа лаппа сылыйдаҕына, күн-дьыл туран биэрдэҕинэ, итэҕэстэрин-быһаҕастарын туоратыахтара.