16.11.2022 | 19:00

Байыастары өйүүр үлэ салҕанар

Байыастары өйүүр үлэ салҕанар
Ааптар: Киин Куорат
Бөлөххө киир

Дьокуускайга байыаннай дьайыы кыттыылаахтарын уонна кинилэр дьиэ кэргэттэрин өйүүр дьаһаллар олоххо киирэллэр.

Байыаннай эпэрээссийэҕэ кытта сылдьар Росгвардия уонна ОМОН үлэһиттэрин көмөнү ылар араҥа кэккэтигэр киллэрдилэр. Кинилэр мобилизацияламмыт дьоҥҥо көрүллэр көмөнү уонна чэпчэтиилэри туһаныахтара.

 

Кирэдьииттэри сатаан төлөөбөт буолуу, счету хааччахтыыллара баар суол. Баһылык Евгений Григорьев бааннар бэрэстэбиитэллэрин, Суут бириистэптэрин кытта кэккэ көрсүһүүлэри ыытта, ол түмүгэр:

- байыаннай дьайыы кыттыылаахтарыгар уонна кинилэр дьиэ кэргэттэрин аатыгар исполнительнай производство баар буоллаҕына тохтотуллар;

- ипотеканы, кирэдьииттэри болдьоҕун көһөрүү, иэһи бытарытыы боппуруостарыгар хас биирдии түгэни туспа көрүөхтэрэ.

 

Байыаннай дьайыы кыттыылаахтарыгар уонна кинилэр дьиэ кэргэттэригэр бородуукта набордарын түҥэтэллэр. 35 туонна оҕуруот аһа тиэрдилиннэ. Сэтинньи устата эмиэ түҥэтиэхтэрэ.

Куорат саҥа дьылы киэҥ далааһыннаахтык бырааһынньыктыыртан аккаастанна. Ол иһигэр "Кыһын Саха сириттэн саҕаланар” улахан бэстибээл кэккэ тэрээһиннэрэ тохтоотулар. Ол эрэн оҕолорго аналлаах тэрээһиннэр үгэс быһыытынан буолуохтара.

Сэтинньи 17 күнүттэн байыаннай дьайыы кыттыылаахтарыгар уонна кинилэр дьиэ кэргэттэригэр аптекаларга 10% чэпчэтии көрүллүөҕэ. Киин куоракка үлэлиир Мобилизацияламмыт дьон дьиэ кэргэттэрин өйүүр киинтэн дисконтнай каарта ылыахха сөп. Чэпчэтии 25 аптекаҕа бэриллэр.

Мобилизацияламмыттары өйүүр кииҥҥэ 2000-тан тахса киһи кэлэн араас хайысхалаах көмөнөн туһанна.

"Победа" пуондаҕа дьон харчынан көмөтө киирэ турар. Ол курдук, 50 утуйар мөһөөччүк уонна коврик Чита байыаннай чааһыгар ыытылынна, 50 кэмпилиэк итиини тутар ис таҥас, 20 утуйар мөһөөччүк Хабаровскайга баар байыастары бэлэмниир чааска тиэрдилиннэ. Көмөлөрүн тэрилтэлэр, биирдиилээн дьон ыыталлар. Дьаһалта саайтыгар https://yakutskcity.ru/ реквизиттэр, судургутук харчы ыытарга QR-код баар.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Дархан этээччи Валентин Хорунов:  «Саха оһуохайа аан дойду дьонун түмүөҕэ...»
Дьон | 23.05.2024 | 10:00
Дархан этээччи Валентин Хорунов: «Саха оһуохайа аан дойду дьонун түмүөҕэ...»
Былырыын балаҕан ыйын 7 күнүгэр Саха Өрөспүүбүлүкэтин Ил Дархана Айсен Николаев Оһуохай күнүн олохтуур туһунан Ыйаахха илии баттаабыта. Дьэ, ол үөрүүлээх күммүт – ыам ыйын 25 күнэ үүнэрэ икки хонук хаалла.  Бүгүҥҥү нүөмэрбит ытык-мааны ыалдьыта – Саха Өрөспүүбүлүкэтин Дархан этээччитэ Валентин Хорунов.   Дьуохар биһигэр улааппыт дьоллоохпун – Валентин Васильевич, саха...
Бэс ыйыгар Ленин болуоссата тутуллан бүтүөҕэ
Сонуннар | 13.05.2024 | 13:58
Бэс ыйыгар Ленин болуоссата тутуллан бүтүөҕэ
Ленин болуоссатыгар сотору муусукалаах, араас өҥнөөх фонтаннар, түүҥҥү уоттаах сцена, 13 миэтэрэ үрдүктээх сэргэлэр о.д.а. баар буолуохтара диэн суруйан турабыт. Бу күннэргэ фонтан эркинин оҥоруу бүтэн, түгэҕин бастакы араҥа билиитэлэрин кута сылдьаллар. Ол курдук, «Сэттэ» тутуу хампаанньатын маастара Иван Кузьмин иһитиннэрэринэн, технологическай тутуу эркинин оҥоруу бүтэн, билигин фонтан түгэҕин бастакы...