Байыаннай тиэхиньикэ параада бырааһынньыгы киэргэтиэ

Ыам ыйын 9 күнүгэр Дьокуускай куорат киин уулуссаларынан  байыаннай тиэхиньикэ параада ыытыллыа диэн СӨ Ыччат дьыалаларыгар уонна социальнай коммуникацияларга министиэристибэтин пресс-сулууспата иһитиннэрэр. 
Параакка уопсайа 10-тан тахса ДОСААФ регионнааҕы салаатыгар баар ГАЗ сэбиэскэй массыыналар, ЗИС грузовиктар, бронетранспортердар кыттыахтара. 
Байыаннай тиэхиньикэ параада күнүс 11.30-12.00 чааска ДОСААФ – Бестужев-Марлинскай – Федор Попов – Дзержинскэй уулуссалара – Орджоникидзе  болуоссата – КГФ – Кыайыы болуоссата – ДОСААФ хайысханан ааһыаҕа. 
Эпидемиологическай балаһыанньаны учуоттаан, тэрээһин кыттыылаахтара бары мааскалаах буолуохтара, массыыналар ыраастыыр анал сириэстибэлэринэн сууйуллуохтара.