22.12.2022 | 15:00

Байыаннай сулууспалаахтар дьиэ кэргэттэрин өйүүр киин үлэтин барыллаан түмүгэ таҕыста

Куорат баһылыга Евгений Григорьев Байыаннай сулууспалаахтар дьиэ кэргэттэрин өйүүр киин үлэтин барыллаан түмүгүн таһаарар тэрээһиҥҥэ кытынна диэн Олохтоох дьаһалта пресс-сулууспата иһитиннэрдэ. Киин, баһылык сорудаҕынан, 2022 сыл алтынньы 18 күнүгэр тэриллибитэ.
Байыаннай сулууспалаахтар дьиэ кэргэттэрин өйүүр киин үлэтин барыллаан түмүгэ таҕыста
Ааптар: Киин Куорат
Бөлөххө киир

Тэрээһиҥҥэ Дьокуускай куораттааҕы Дуума Бэрэссэдээтэлэ Альберт Семенов, куорат баһылыгын солбуйааччы – Олохтоох дьаһалта аппараатын салайааччыта Руслан Тимофеев, Байыаннай сулууспалаахтар – анал байыаннай эпэрээссийэ кыттыылаахтарын дьиэ кэргэттэрин өйүүр киин салайааччыта Туйара Колесова кытыннылар.

Евгений Григорьев бэлиэтээбитинэн, куораттааҕы Анал байыаннай эпэрээссийэ кыттыылаахтарын дьиэ кэргэттэрин өйүүр киин кылгас кэм иһигэр үлэни көхтөөхтүк уонна сатабыллаахтык тэрийдэ.

«Киин уонна уокуруктар Управаларын үлэлэрин туһунан информацияны билсэн баран, улахан үлэ барбытын бэлиэтиэхпин баҕарабын. Хас биирдии сыыппара кэннигэр – анал байыаннай эпэрээссийэ кыттыылаахтарын дьиэ кэргэттэрин кыһалҕалара. Байыаннай сулууспалаахтарбыт гражданскай иэстэрин толорор кэмнэригэр биһиги сорукпут – дьиэ кэргэттэрин, чугас дьоннорун туһугар кыһаллыахтаахпыт. Онон үлэбитин күүһүрдэр соруктаахпыт», - диэн бэлиэтээтэ Евгений Григорьев.

Дьокуускай куораттааҕы Дуума Бэрэссэдээтэлэ Альберт Семенов дьокутааттар анал байыаннай эпэрээссийэ кыттыылаахтарын дьиэ кэргэттэрин өйөөһүҥҥэ туһуламмыт үлэлэрин туһунан кэпсээтэ.

«Байыаннай сулууспалаахтар дьиэ кэргэттэригэр көмө уонна өйөбүл тиһиктээхтик оҥоһуллар.  Бүтэһик сессияҕа анал байыаннай эпэрээссийэ кыттыылаахтарын дьиэ кэргэттэригэр баар хамсаабат баайга-дуолга сыһыаннаах нолуок чэпчэтиилэрин туһунан быһаарыыны ылынныбыт», - диэн иһитиннэрдэ Альберт Семенов.

Куорат баһылыгын солбуйааччы – Олохтоох дьаһалта аппараатын салайааччыта, Киин куратора Руслан Тимофеев Анал байыаннай эпэрээссийэ кыттыылаахтарын дьиэ кэргэттэрин өйүүр киин уонна уокуруктар Управалара, куорат кытыытынааҕы дьаһалталар баһылыктара үлэни төгүрүк суукканан ыыталларын бэлиэтээтэ.

«Киин үлэһиттэрэ байыаннай сулууспалаах хас биирдии чугас киһитин, аймаҕын кытта уопсай тылы булаллар, араас уустук кыһалҕалары быһаараллар. Киин хас биирдии үлэһитэ хас даҕаны хайысханан үлэлиир, бары биир кэлим механизм курдуктар», - диэн бэлиэтээтэ Руслан Тимофеев.

Байыаннай сулууспалаахтар – анал байыаннай эпэрээссийэ кыттыылаахтарын дьиэ кэргэттэрин өйүүр киин салайааччыта Туйара Колесова баһылык Евгений Григорьев нэдиэлэ аайы уокуруктарынан уонна куорат кытыытынан сылдьан анал байыаннай эпэрээссийэ кыттыылаахтарын дьиэ кэргэттэрин кытта көрсөр диэн кэпсээтэ. Итинник көрсүһүүлэргэ 300-чэ киһи кытынна.

«Ахсынньы 20 күнүнээҕи туругунан Киин 4 014 граждаҥҥа көмөнү оҥордо, ол иһигэр юридическай, психологическай, информационнай уонна волонтерскай өйөбүлү», - диэтэ Туйара Колесова.

Түмүккэ куорат салалтата, Дьокуускай куораттааҕы Дуума Олохтоох дьаһалта үчүгэй көрдөрүүлээх үлэһиттэригэр бочуотунай грамоталары, махтал суруктары туттардылар.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
Мөлүйүөҥҥэ тиийэ иликпит
Сонуннар | 21.01.2023 | 17:00
Мөлүйүөҥҥэ тиийэ иликпит
Сахастат 2022 сыл түмүгэр 2021 сыллаахха ыытыллыбыт (2020 сыллаахха ковид ыарыынан сибээстээн көспүтэ) нэһилиэнньэ биэрэпиһин барыллааһын түмүгүн таһаарбыта.  Саха сирин нэһилиэнньэтин ахсаана: 995,7 тыһ. киһи  (2022 сыл тохсунньу 1 күнүгэр 992 115 киһи этэ)
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...