Байыаннай дьайыы кыттыылаахтарын үлэҕэ ылбыт тэрилтэлэргэ субсидия көрүллэр
![Байыаннай дьайыы кыттыылаахтарын үлэҕэ ылбыт тэрилтэлэргэ субсидия көрүллэр](https://kiinkuorat.ru/wp-content/uploads/2023/10/bd03HU1IdH.jpg)
Алтынньы 16 күнүгэр ыытыллыбыт брифиҥҥэ, СӨ бырабыыталыстыбатын бэрэссэдээтэлин солбуйааччы Георгий Степанов, РФ бырабыыталыстыбатын саҥа уурааҕынан, байыаннай эпэрээссийэ кыттыылаахтарын үлэнэн хааччыйбыт тэрилтэлэр судаарыстыбаттан чэпчэтиилээх субсидия ылалларын туһунан иһитиннэрдэ.
Георгий Степанов субсидия тэрилтэлэргэ РФ Социальнай пуондатыттан бэриллэрин эттэ. Кини өрөспүүбүүлүкэ тэрилтэлэрин байыаннай сулууспалаахтары үлэҕэ ыларга ыҥырда.
Бырабыыталыстыба бэрэссэдээтэлин солбуйааччы өрөспүүбүлүкэҕэ анал дьайыы кыттыылаахтарыгар уонна дьиэ кэргэттэригэр туох социальнай өйөбүл оҥоһулларын кэпсээтэ. Ол курдук, 52 ыал чааһынай дьиэлэригэр гаас киллэрэллэригэр, байыаннай сулууспалаахтар 134 төрөппүттэрэ санаторийга, курортка сынньана барар путевкаларыгар, 177 киһи байыас аймахтара эмтэнэр сирдэригэр барарга көмө ылбыттар.
Бааһырбыт байыастар өрөспүүбүүлүкэ доруобуйатын харыстабылын уонна социальнай харалта тэрилтэлэригэр доруобуйаларын чөлүгэр түһэриини ааһаллар. Бу өҥөнөн барыта 328 буойун уонна 591 кинилэр дьиэ кэргэттэрэ туһаннылар.
Саха сирин үлэнэн хааччыйар кииннэригэр 217 киһи үлэ көрдөөн учуокка турда. Итинтэн 65-һэ байыаннай дьайыы кыттыылаахтара, 152 – кинилэр дьиэ кэргэттэрин бэрэстэбиитэллэрэ.
Билиҥҥи туругунан 66 киһи саҥа идэни баһылыырга үөрэнэ ыытылынна, 114 киһи үлэҕэ киирдэ.
Сонуннар
Ордук ааҕаллар
![Түөһэйии элбээн иһэрэ дьиксиннэрэр...](/thumbnails/600/300/wp-content/uploads/2024/08/NNDIAGM5TA.jpg)
![Герман Отов: «Пригороднай аныгылыы улахан бөһүөлэк буолар чинчилээх...»](/thumbnails/600/300/wp-content/uploads/2024/09/inhECNdY5z.jpg)
![Баһылык Строительнай уокурук олохтоохторун кытта көрүстэ](/thumbnails/600/300/wp-content/uploads/2024/08/qRWAY5fveB.jpg)
![«Якутск вдохновляет» күрэххэ кыттыҥ!](/thumbnails/600/300/wp-content/uploads/2024/08/zc1WJpfgUt.jpg)