11.09.2023 | 14:44

Байыаннай дьайыы кыттыылаахтарын 160-тан тахса оҕолоро устудьуон буоллулар

Күн аайы ыытыллар брифиҥҥэ вице-премьер Георгий Степанов иһитиннэрбитинэн, быйыл анал байыаннай эпэрээссийэ кыттыылаахтарын 162 оҕолоро өрөспүүбүлүкэ орто уонна үрдүк үөрэх кыһаларыгар бастакы уочаратынан киирдилэр.
Байыаннай дьайыы кыттыылаахтарын 160-тан тахса оҕолоро устудьуон буоллулар
Ааптар: Киин Куорат
Бөлөххө киир

«Итинтэн 89 оҕо орто анал үөрэх уонна 73-һэ үрдүк үөрэх кыһаларыгар киирдилэр. Бастакы уочаратынан үөрэххэ ылыы байыаннай сулууспалаахтарга бэйэлэригэр эмиэ көрүллэр. Ол курдук, байыаннай дьайыы 12 кыттыылааҕа устудьуон буоллулар. Үс киһи орто анал үөрэх, оттон тоҕуһа –  өрөспүүбүлүкэ үрдүк үөрэх кыһаларыгар киирдилэр. Итиэннэ орто анал үөрэх уонна үрдүк үөрэх кыһаларыгар үөрэнэр анал эпэрээссийэ кыттыылаахтарын оҕолорун тус сыаллаах үөрэххэ көһөрдүлэр, кинилэргэ үрдүк истипиэндьийэ төлөнөр», – диэн бэлиэтээтэ Георгий Степанов.

Өрөспүүбүлүкэҕэ байыаннай сулууспалаахтар оҕолоругар ураты болҕомто ууруллар. Вице-премьер иһитиннэрбитинэн, өрөспүүбүлүкэ Ил Дарханын ыйаахтарынан элбэх өйөбүл оҥоһуллар, холобур, төрөппүттэр оҕо уһуйаанын төлөбүрүттэн босхолоноллор. Ити өйөбүлүнэн региоҥҥа 1 415 төрөппүт туһанар.

Итини таһынан, анал байыаннай эпэрээссийэ кыттыылаахтарын оҕолоругар чэбдигирдэр лааҕырдарга сынньанар босхо путевка көрүллэр. Быйыл сайын босхо путевканан туһанан 1 823 оҕо сынньанна. Итиэннэ байыаннай сулууспалаахтар оҕолоро, өрөспүүбүлүкэ оскуолаларын 5-11 кылаастарын үөрэнээччилэрэ, босхо итии аһылыгынан хааччыллаллар. Ити миэрэнэн 1 240 оҕо хабылынна.

Байыаннай дьайыы кыттыылаахтарын уонна дьиэ кэргэттэрин өйүүр миэрэлэри оҥоруу салҕанар.

Сонуннар

Ордук ааҕаллар

Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...
Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Элбэх оҕолоохторго — ураты болҕомто
Сонуннар | 06.06.2024 | 16:00
Элбэх оҕолоохторго — ураты болҕомто
2024 сыл ыам ыйын 28 күнүгэр ыытыллыбыт Ил Түмэн сэттис (уочараты таһынан) пленарнай мунньаҕар норуот дьокутааттара «Саха Өрөспүүбүлүкэтигэр элбэх оҕолоох ыал статуһун туһунан» өрөспүүбүлүкэ сокуонугар уларытыылары киллэриини өйөөтүлэр.   Санатан эттэххэ, дойду баһылыга Владимир Путин 2024 сыл тохсунньу ыйыгар элбэх оҕолоох дьиэ кэргэттэр статустарын болдьоҕо суох оҥорбута. Ол эбэтэр үс уонна...