22.03.2021 | 05:05

“БАТТЛ-Культ-шоу”

“БАТТЛ-Культ-шоу”
Ааптар: Киин Куорат

“ОЛОХ СААМАЙ УЛАХАН БЭЛЭҔЭ-

ҮТҮӨ САНАА...”

  Кулун тутар 19 күнүгэр Чаппандабыт нэһилиэгэр “Дьоҕур”норуот айымньытын дьиэтигэр Култуура үлэһиттэрин күнүн көрсө, биир дойдулаахпыт Иванова Ольга Владимировна Кореяҕа эмтэнэригэр анаан “Үтүө санаа”  Аһымал акция-куонкурус, уус-уран  салайааччы Саргылана Семенова идеятынан, проегынан “БАТТЛ-КУЛЬТ-шоу”, улууска аан бастакынан  үрдүк тэрээһиннээхтик ыытылынна.

   Бугунну күрэхпит сыала -соруга култуура эйгэтигэр үлэлиир дьоммут талааннарын киэн эйгэҕэ билиһиннэрии .Култуура үлэһиттэрин ыккардыгар доҕордоьуу сыһыаны үөскэтии буолар.

   Чаппанда эдэр ыччаттара аныгылыы, тэтимнээх үнкүүнэн күрэҕи саҕалаатылар, “Айыллыат” эр дьон ансаамбыла Чаппанда Өрөгөй ырыатын ыллаатылар.  Күрэхпитигэр биэс нэһилиэктэн кэлэн кытыннылар.. Маар нэһилиэгиттэн “Алгыс””  норуот айымнньытын киинин методиһа Антонов Николай Анатольевич, Мархаттан  муниципальнай тэриллии Социалистическай улэ героя Михаил Федорович Алексеев аатынан норуот айымнньытын дьиэтин салайааччыта Кутанов Владислав Михайлович, Малдьаҕар нэһилиэгиттэн  Никифор Семенов аатынан норуот айымнньытын киинин салайааччыта Слепцов Николай Борисович, Мэҥэдьэк нэһилиэгиттэн   Иван Яковлевич Танхаров аатынан култуура этнографическай киин звукооператора Попов Дмитрий Афанасьевич, Дьаархантан Дьаарханнаа5ы Дора Самуиловна Жиркова аатынан спорт уонна норуот айымнньытын киинин методиһа Пахомов Андриан Анатольевич  бэйэлэрин талааннарын көрдөрөн , түөрт түһүмэххэ күрэстэстилэр. Бастакы түһүмэххэ бэйэлэрин дойдуларын көрдөрөр,  хоһуйар, Өрөгөй ырыатын ыллаан, бэйэлэрин билиһиннэрдилэр. Иккис түһүмэххэ тэтимнээх сахалыы ырыа, үһүс түһүмэх нууччалыы ырыа, үһүс түһүмэх омуктуу тылынан ырыалар буоллулар. Хас түһүмэх ахсын сонунтан сонун ырыалар ылланнылар, талаан даҕаны арылынна. Көрөөччүлэр да сэргээн иһиттилэр, көрдүлэр. Ааспыт үйэ 80-90 сыллардааҕы , хит буола сылдьыбыт ырыалар А.Серов репертуарыттан “Я люблю тебя до слез..” Н.Антонов, украинскайдыы тылынан Софья Ротару репертуарыттан “Червона рута”Н.Слепцов, , украина норуотун ырыатын “Дывлюсь я на нэбэ” Дмитрий Попов, “Феличита”Н.Антонов. Саргылана Семенова бэйэтин толорууларыгар “Малиновка” , ВИА “Земляне” репертуарыттан “Трава у дома”  ырыалары ыллааннар ааспыт кэми санаттылар, оччотооҕу кэм тыына билиннэ.

 Күрэҕи иилээн-саҕалаан ыытааччылар: Саргылана Семенова, Петр Белолюбскай Антоновка “Түһүлгэ” н.а.дь. режиссера олус бэркэ саҥаран, билиһиннэрэн бэрт сэргэхтик туттан, үрдүк таһымҥа иилээн-саҕалаан ыыттылар, үчүгэй бэлэмнээхтэрин көрдөрдүлэр. Хас түһүмэхтэр ахсын бэйэбит олохтоох ырыаһыттарбыт “Эйээрэ” вокальнай ансаамбыл ырыаларынан күрэҕи өссө киэргэтэн, ситэрэн  биэрдилэр.

  Күрэх буолан баран эбэһээт дьүүллүүр тойон сүбэлээх буолар, ол курдук тойон дьүүллүүр сүбэҕэ идэтийбит : -Саха республикатын култуураҕа туйгуна ,үлэ бэтэрээнэ Никифорова Светлана Герасимовна, Ньурбатааҕы Ыстапаан Баһылаайап аатынан бастакы нүөмэрдээх оскуолатын музыкаҕа учуутала, Өрөспүүбүлүкэтээҕи “Музыка  для всех” бырайыак чэрчитинэн (“Лучший учитель музыки”  )2021 сыл кыайыылааҕа Васильева Светлана Васильевна, А.Я.Овчинникова аатынан “Сааскылаана” оҕо саадын методиһа Бухолова Валентина Саввична буоланнар , көрөн-истэн, сөптөөх анал ааттары олохтоотулар, кыайыылааҕы быһаардылар. Ол курдук күрэх түмүгүнэн маннык анал ааттар иҥэрилиннилэр:  “Лучший исполнитель Гимна” Николай Слепцов , Лучший исполнитель Якутских песен” Дмитрий Попов , “Лучший исполнитель Русской песни” Владислав Кутанов, “Лучший исполнитель зарубежных песен” Андриан Пахомов, күрэх муҥутуур кыайыылааҕа “Гран-при”-ны биир дойдулаахпыт Николай Антонов ылыан ылла. Бары күрэх кыттааччылара анал грамоталарынан, сыаналаах бэлэхтэринэн бэлиэтэннилэр. Күрэххэ бэйэлэрин үлэһиттэрин өйөөн кэлбит кэллиэгэлэрбитигэр: Маар, Марха, Мэҥэдьэк, Малдьаҕар, Дьаархан кулуубун үлэһиттэригэр уонна күрэхпит кыттааччыларыгар, Тойон дьүүллүүр сүбэҕэ, курэх тэрийээччитигэр, уус-уран салайааччыга Саргылана Семеновнаҕа, Петр Белолюбскайга  хаһыат нөҥүө барҕа улахан махталбытын тириэрдэбит. Үлэҕитигэр үрдүктэн үрдүк ситиһиилэри, доруобуйаны, дьиэ кэргэннитигэр бары үтүөну баҕара хаалабыт.Көрөөччүлэр да көрөн астынныбыт, өссө да маннык тэрээһиннэр буола туруохтара.

  Бу аһымал акцияҕа күрэх түмүгүнэн 35000 суумаалаах  киирбит харчы барыта Ольга Владмировна эмтэнэригэр ананар. Этэҥҥэ эмтэнэн үтүөрэн кэлэригэр баҕарабыт. “Күн киһитэ көмүскэс, айыы  киһитэ аһыгынас санаалаах...”.

Е.С.Тимофеева, бибилэтиэкэр

Чаппанда нэһилиэгэ

Сонуннар

Ордук ааҕаллар

Хоһоон ааҕыытыгар аһаҕас күрэс
Сонуннар | 24.11.2021 | 16:00
Хоһоон ааҕыытыгар аһаҕас күрэс
Саха АССР төрүттэммитэ 100 сылын кѳрсѳ, Ньурба оройуонун Малдьаҕар нэhилиэгин В.И. Максимов аатынан орто оскуолата 100 сылынан, Малдьаҕар  нэhилиэгин бастакы учуутала,  Дьокуускайдааҕы учительскай семинария бастакы выпускнига (1914-1917с.с)., Ньурба улууһун исполнительнай комитетын бэрэссэдээтэлэ, бэрэссэдээтэл солбуйааччыта (1924-1927 с.с)., Бүлүү уеһын общественнай куттала суох буолуутун комитетын чилиэнэ, продовольственнай уонна сир управаларын бэрэссэдээтэлэ (1923...
«Кыһын Саха сириттэн саҕаланар» бэстибээл саҕаланна
Сонуннар | 26.11.2021 | 11:00
«Кыһын Саха сириттэн саҕаланар» бэстибээл саҕаланна
«Кыһын Саха сириттэн саҕаланар» куорат таһымнаах бырааһынньыктан саҕалаан киэҥ далааһыннаах тэрээһиҥҥэ кубулуйбут бэстибээл быйыл онус төгүлүн ыытыллар үбүлүөйдээх сыла. Сарсыҥҥыттан, сэтинньи 26 күнүттэн, киин куорат олохтоохторун уонна ыалдьыттарын кыһыны көрсүү бырааһынньыгар ыҥырабыт. Быйылгы тэрээһиннэр, биллэн турар, онлайн уонна оффлайн ыытыллаллар.   «Бэстибээл аан бастаан 2011 сыллаахха Айсен Николаев көҕүлээһининэн, кини Дьокуускай...
Саҥа 2022 сылы көрсөргө бэлэмҥин дуо?
Тускар туһан | 04.12.2021 | 12:07
Саҥа 2022 сылы көрсөргө бэлэмҥин дуо?
Күүтүүлээх-кэтэһиилээх 2022 сылбыт үүнэрэ ыйы кыайбат эрэ кэм хаалла. Дьиэни хайдах киэргэтэбит, тугу таҥнабыт, астыыбыт диэн ыйытыылар элбэх киһини долгутар буолуохтаахтар. Онон биһиги эрдэттэн бэлэмнэнэ, толкуйдуу сылдьыҥ диэн күндү ааҕааччыларбытыгар сүбэ-ама бэчээттииргэ быһаарынныбыт.   Кэлэр сыл бэлиэтэ – Халлаан күөх өҥнөөх Баабыр. Кинини манньытар, киниэхэ ис буолар инниттэн, сылбыт ситиһиилээх ааһарын...
COVID-19 Реабилитация элбэҕи быһаарар
Сонуннар | 27.11.2021 | 12:00
COVID-19 Реабилитация элбэҕи быһаарар
СӨ Национальнай библиотеката уонна Дьокуускайдааҕы медицинскэй колледж куйаар ситиминэн ыытыллар туһалаах лекциялары ыытан саҕалаатылар. “Коронавирус кэннэ чөлгө түһүү” лекцияны Медколледж 1-кы категориялаах преподавателэ Марианна Ивановна Атласова зум-платформаҕа ыытта. Бэлиэтээн эттэххэ, СӨ Национальнай библиотеката пандемия саҕаланыаҕыттан онлайн тэрээһиннэри көхтөөхтүк ыытар, араас эйгэ экспертэрин ыҥыраллар, интэриэһинэй тиэмэлэри таарыйаллар, ким баҕалаах кыттыан, ыйытыыларга...