18.04.2022 | 16:00

Бука бары – субуотунньукка!

Бука бары – субуотунньукка!
Ааптар: Киин Куорат
Бөлөххө киир

Куорат баһылыга Евгений Григорьев ыыппыт ОДьКХ боппуруостарыгар уонна үс ыйдаах санитарнай ыраастааһыҥҥа анаммыт куорат уопсай планеркатын түмүгүнэн, муус устар  22 күнүгэр куорат үрдүнэн субуотунньук ыытар быһаарыы ылылынна. Бу туһунан Олохтоох дьаһалта пресс-сулууспата иһитиннэрдэ. 
 Мунньахха Олох-дьаһах хомунаалынай хаһаайыстыбатыгар уонна энергетикаҕа, ону сэргэ территориялары кытта үлэҕэ департаменнарын,  «Куорат хаһаайыстыбатын үлэлэтэр сулууспа» МХТ, Муниципальнай инспекциялар управлениеларын уонна территориальнай уорганнар управлениеларын салайааччылара кытыннылар. 
Мунньах түмүгүнэн муус устар  22 күнүгэр, Саха Өрөспүүбүлүкэтин Күнүгэр анаан, куорат уопсай субуотунньугун тэрийэр туһунан быһаарыы ылылынна. Субуотунньукка бас билии көрүҥүттэн тутулуга суох киин куорат бары тэрилтэлэрэ, Олохтоох дьаһалта биэдэмистибэлээх тэрилтэлэрэ кытталлар. 
Халлаан сылыйбытынан сибээстээн, Евгений Григорьев намыһах сирдэртэн уонна кыбаартал иһинээҕи территориялартан халаан уутун оботторууну күүһүрдэллэригэр сорудахтаата. 
Бүгүҥҥү күҥҥэ суол-уулусса ситимиттэн ууну хачайдааһынынан «Якутдорстрой» АУо анал тиэхиньикэтэ дьарыктанар. Кинилэри кытта «Жилкомсервис» МУТ ассенизаторскай массыыналара үлэлэһэллэр.  Халлаан өссө сылыйдаҕына тиэхиньикэ ахсаана эбиллиэхтээх. Оботторуллубут ууну Сэбиэскэй Аармыйа 50 сыла уулуссатыгар баар ыстаансыйаҕа сүөкүүллэр, барыта видеонан уһулла турар. 
Олохтоох дьаһалта бэдэрээтчит тэрилтэлэр үлэлэрин күн аайы хонтуруоллуур. 
Итини таһынан, куорат уокуругар кытаанах бөҕү уонна Строительнай уокурук уонна Марха дьоҕус оройуонун территорияларыгар баар бары өттүнэн хааччыллыбатах (неблагоустроеннай) дьиэлэр тастарыгар бөх тоҕор дьаамалары хомуйааһыны күүһүрдүөхтэрэ.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...
Көмө мүнүүтэ да тохтообот
Дьон | 03.02.2023 | 12:00
Көмө мүнүүтэ да тохтообот
Аҕа дойду Улуу сэриитин кэмигэр Саха сирин дьоно-сэргэтэ төһө да тыһыынчанан килэмиэтиринэн ыраах олордоллор, өйдөрө-санаалара Кыайыы эрэ туһугар сытара. Биир дойдулаахтарбыт харчынан, облигациянан, үрүҥ көмүһүнэн, кыһыл көмүһүнэн, балыгынан, күндү түүлээҕинэн о.д.а. көмөнү хара көлөһүннэрин тоҕон туран фроҥҥа ыыппыттара. Ийэлэрбит, эбэлэрбит ыарахан үлэлэрин быыһыгар төһөлөөх кээнчэни, үтүлүгү тигэн ыыппыттарай! Дэлэҕэ сэрии...