10.01.2023 | 12:48

«Бараахап туһунан ырыа» күрэҕэ биллэриллэр

«Бараахап туһунан ырыа» күрэҕэ биллэриллэр
Ааптар: Киин Куорат
Бөлөххө киир

Саха автономиятын төрүттэспит, уһулуччулаах государственнай,  политическай деятель Исидор Никифорович Барахов төрөөбүтэ 125 сылыгар 
«Бараахап туһунан ырыа»
ырыа тылбааһыгар аһаҕас өрөспүүбүлүкэтээҕи күрэх балаһыанньата


Тэрийээччилэр:
- «Үөһээ Бүлүү улууһа (оройуона)» МО
- «Культура уонна духуобунай сайдыы департамена» МКТ
- «Норуот айымньытын киинэ» МАТ 

Сыала – соруга:
- Саха Автономиятын төрүттэспит,   киэн туттар биир дойдулаахпыт  И.Н. Барахов үтүө аатын  киэҥ эйгэҕэ тарҕатыы, үүнэр көлүөнэни история чахчыларыгар олоҕуран иитии – үөрэтии;  
- «Бараахап туһунан ырыа» сахалыы ырыаны нууччалыы ыллатан саха чулуу уолун аатын бүтүн Арассыыйа дьонун билиниилэрин ситиһии;
- Тылбааска талааннаах дьон аатын дьоҥҥо – сэргэҕэ билиһиннэрии.

Ирдэбил:
- И.Е. Иванов – Уйбаан Ороһуунускай тылларыгар, олохтоох мелодистар В.В.Ефимов – Баянист Баака, Т. И. Шестаков матыыптарыгар И.Н. Барахов төрөөбүтэ 100 сылыгар ананан суруллубут «Бараахап туһунан ырыа» ырыаны нууччалыы  тылбаас  күрэҕин  аһаҕас  көрүү- күрэх биллэриллэр. 
- Ырыа нууччалыы тылбааһа бу айыллыбыт  матыыбыгар сөп түбэһиэхтээх. Ырыа оригиналын cnt-vv.saha.muzkult.ru сайтка киирэн истиэххитин сөп.  
- Күрэххэ кыттыы сааһынан хааччаҕа суох.
- Кыттааччы анал анкетаны, тылбааһын  vanessanik0603@mail.ru электр аадырыска 2023 сыл  олунньу 1 күнүгэр дылы ыытаҕыт. 

Наҕараадалааһын:
- Дьүүллүүр сүбэ быһаарыытынан кыайыылаахха Кылаан чыпчаал аата иҥэриллэр. 
- Айыллыбыт «Бараахап туһунан ырыа» ырыа тылбааһа  2023 сылга И.Н. Барахов төрөөбүтэ 125 сылыгар аналлаах Москва куоракка ыытыллар тэрээһиннэргэ ылланыаҕа.  
- Күрэх кыттыылаахтарыгар электроннай туоһу сурук бэриллэр. 

Тэрийээччилэр телефоннара:
- Березкина Ванесса Айааловна 89142295293 

«Бараахап туһунан ырыа» тыллара.

Дьол, көҥүл кыайарын туһугар
Дьалкыырдаах охсуһуу дьылыгар, 
Хотойдуу кэккэҕэ көппүтүҥ,
Харбалаах буоруттан үүммүтүҥ. 
                          Хос ырыата:
                    Ньургуннаах олоҕуҥ махтала,
                    Норуотуҥ нохтолоох таптала  
                    Бараахап, тыыннаахтан тыыннааххын,
                    Быһалыыр суоллары ыйаҕын. 

Сахабыт саргытын салайсан
Хараҥа хараҕын аспыккыт,
Сырдыктаах аартыгы арыйан
Харса суох инники барбыккыт. 

Эрчимнээх төлөннөөх сүрэҕэ
Саха дьон туһугар тэбиэхтин,
Сандааран үйэттэн үйэҕэ
Эн аатыҥ өрүүтүн тиллиэхтин. 

Кыттааччы анкетата

Кыттааччы толору аата__________________
Төрөөбүт күнэ – дьыла __________________
Олорор сирэ (улуус / куорат) _______________
Үлэлиир/ үөрэнэр сирэ _________________
Телефонун нүөмэрэ ___________________
Хаһааҥҥыттан тылбааһынан дьарыктанара______________
Паспорт№_____СНИЛС_______ИНН_______

Тэрийэр сүбэ.

Сонуннар

Ордук ааҕаллар

Саргылан Семенов: «Паралимпиада кыһыл көмүһүн ылларбын...»
Дьон | 01.02.2025 | 11:00
Саргылан Семенов: «Паралимпиада кыһыл көмүһүн ылларбын...»
Кини – 25 саастаах эдэр киһиэхэ олох ыараханын, аһыытын-ньулуунун билбит, ол охсууттан самныбатах, күүстээх санаалаах, сахалыы мындыр толкуйдаах, саастаах да дьоҥҥо холобур буолар киһи киэн туттар дьоруойа.   – Саргылан, бастатан туран, бэйэҥ тускунан билиһиннэриэҥ дуо? – 1999 сыллаахха Уус Алдан улууһун киинигэр Бороҕоҥҥо төрөөбүтүм, улааппытым, оҕо, эдэр сааһым барыта онно...
Екатерина Семенова: «Ылдьаананы аһынным ээ...»
Дьон | 08.02.2025 | 12:00
Екатерина Семенова: «Ылдьаананы аһынным ээ...»
Бу күннэргэ «Саха» НКИХ көрөөччүлэрэ «Уот Дьулустаан» диэн саҥа сериалынан олоробут диэтэххэ, омун буолбатах. Киэһэ аайы: «Киинэбит кэлэрэ чугаһаата», – диэн бассаап бөлөхтөр оргуйа түһэллэр. Саҥа сериалга киҥнээх, кырыктаах Ылдьаана хотун оруолун чаҕылхайдык толорбут Екатерина Семенова көрөөччү киэҥ биһирэбилин ылла.   Бүгүҥҥү сэргэх сэһэргэһээччибит –  СӨ Үүнэр көлүөнэтин тыйаатырын артыыһа, СӨ...
Саха түмэлигэр ураты быыстапка турда
Сонуннар | 07.02.2025 | 22:12
Саха түмэлигэр ураты быыстапка турда
Саха АССР оскуолаларын 1985 сыллааҕы выпускниктара быйыл оскуоланы бүтэрбиттэрэ 40 сылын туолар. Кыайыы 40 үбүлүөйдээх сылыгар Саха сирин оскуолаларын бүтэрбит  тыһыынчанан оҕо бүгүн бэйэлэрэ олохторун орто омурҕанын ааһан, үүнэр көлүөнэни, эдэр ыччаты дойдуга тулхадыйбат таптал, бэриниилээх буолуу тыыныгар үлэлэһэр ытыктанар дьон. Кинилэр бу үтүө дьулуурдара атыттарга холобур эрэ буолар аналлаах....