29.06.2021 | 16:00

Баһылык «Туймаада Ыһыаҕа-2021» оһуохай күрэҕэр кыайыылааҕын эҕэрдэлээтэ

Баһылык «Туймаада Ыһыаҕа-2021» оһуохай күрэҕэр кыайыылааҕын эҕэрдэлээтэ
Ааптар: Киин Куорат
Бөлөххө киир

Куорат баһылыга Евгений Григорьев үөрүүлээх быһыыга-майгыга Туймаада ыһыаҕын оһуохайга онлайн-күрэҕин кыайыылааҕын, биллиилээх оһуохай тылын этээччи Анатолий Кривошапкины эҕэрдэлээтэ уонна 100 тыһыынча харчылаах сертификаты туттарда. 
Көрсүһүүгэ баһылык үгэс буолбут оһуохайбыт тылын этээччилэри өрө тутан, көлүөнэттэн көлүөнэҕэ сатабылларын тиэрдэр улахан суолталааҕын бэлиэтээтэ.  
«Үтүө үгэс буолбут Оһуохайбыт дьону биир ситимниир, сомоҕолуур сүдү күүстээх, култуурабыт нэһилиэстибэтин үйэтитэр кыахтаах. Ол иһин куорат салалтата инники да өттүгэр «Оһуохай» уопсастыбаны өйүөҕэ», - диэн бэлиэтээтэ куорат баһылыга.
Быйыл хомоҕой хоһоонньуттар – оһуохай тылын этээччилэр онлайн-күрэхтэрэ бэс ыйын 15-24 күннэригэр ыытыллыбыта. Күрэххэ 39 этээччи кыттыбыт. 
Туймаада ыһыаҕын оһуохайга онлайн-күрэҕин кыайыылааҕа, биллиилээх оһуохай тылын этээччи Анатолий Кривошапкин – экэнэмиическэй наука хандьыдаата, 2008-2011 сылларга «Оһуохай» куораттааҕы бэтэрээннэр уопсастыбаларын салайааччыта. Кини «Туймаада Дархан Этээччитэ – 2008», «СӨ Аар Дархан Этээччитэ», СӨ үтүөлээх экэнэмииһэ, ССРС СО РАН үтүөлээх бэтэрээнэ, РСФСР үлэтин бэтэрээнэ, РФ наукатын уонна тиэхиньикэтин бочуоттаах үлэһитэ, СӨ НА үрүҥ көмүс мэтээлин уонна СО РАН «Серебряная сигма» бэлиэтин хаһаайына.

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Хомунаалынай төлөбүр төһө үрдүүрүй?
Сонуннар | 11.07.2024 | 12:00
Хомунаалынай төлөбүр төһө үрдүүрүй?
Ый саҕаланыытыгар үгэспитинэн саҥа сокуоннары билиһиннэрэбит. От ыйыттан туох уларыйыыта киирдэ?
НВК Саха бырагыраамата от ыйын 8-14 күннэригэр
Сонуннар | 07.07.2024 | 10:00
НВК Саха бырагыраамата от ыйын 8-14 күннэригэр
Понедельник, 8 июля 6:00 Тиэргэн 6+ 6:30 Мы вам покажем 12+ 7:00 Сана кун 6+ 8:00 Утро Якутии 6+ 9:00 Сана кун 6+ 10:00 Утро Якутии 6+ 11:00 Тиэргэн 6+ 11:30 Айтал уонна аптаах куус 0+ 11:45 О5о саас ыллыыр 6+ 12:00 "Якутия" информационная программа 12+ 12:15 Сайдыс 6+ 12:45...